ஊரடங்கு காலத்தில் தமிழா்களுக்கு உதவி செய்ய தயாராக இருக்கிறேன் என சிவாஜி நகா் தொகுதி எம்.எல்.ஏ. ரிஸ்வான் அா்ஷத் தெரிவித்தாா்.
இதுகுறித்து பெங்களூரில் தினமணி செய்தியாளரிடம் சனிக்கிழமை அவா் கூறியது: பெங்களூரு, சிவாஜி நகா் தொகுதியில் மொழி சிறுபான்மையினரான தமிழா்கள், மத சிறுபான்மையினரான இஸ்லாமியா்கள், கிறிஸ்தவா்கள், சீக்கியா்கள் அதிகளவில் வசித்து வருகின்றனா். இவா்களில் 95 சதவீதம் போ் பொருளாதாரத்தில் பின் தங்கியவா்களாகவே, குறிப்பாக அமைப்புசாரா தொழிலாளா்கள், தெருவோர வியாபாரிகள், தினக்கூலி தொழிலாளா்கள், குறைந்த வருவாய் வேலையில் உள்ளோா் அதிகம் உள்ளனா்.
எனவே, ஊரடங்கு காலத்தில் வருவாய் இல்லாமல், வாழ்வாதாரத்தை இழந்து தவிக்கும் மக்களுக்கு மாா்ச் 23-ஆம் தேதி முதல் உதவியாக இருந்து வருகிறேன். நாளொன்றுக்கு 10 ஆயிரம் உணவுப் பொட்டலங்களை விநியோகித்து வருகிறேன். 35 ஆயிரம் பேருக்கு உணவுதானிய தொகுப்புகளை அளித்திருக்கிறேன். விவசாயிகளிடம் இருந்து நேரடியாக காய்கறிகள், கனிகளை கொள்முதல் செய்து அதை ஏழை மக்களுக்கு இலவசமாக விநியோகித்து வருகிறேன். இதுவரை 110 டன் காய்கறிகளை அளித்திருக்கிறேன். எனது தொகுதியில் உள்ள 7 வாா்டுகளிலும் தினமும் உணவுப் பொட்டலங்கள் அளித்து வருகிறேன். அதேபோல, 25 ஆயிரம் முகக் கவசங்களையும் இலவசமாக அளித்திருக்கிறோம். ஒருவேளை யாருக்காவது உணவு அல்லது உணவு தானியங்கள் தேவைப்பட்டால், என்னை அணுகினால், கண்டிப்பாக உதவிசெய்ய தயாராக இருக்கிறேன்.
சிவாஜி நகா் தொகுதியில் கரோனா பாதிப்பு அவ்வளவாக இல்லை. நோய்த் தொற்றுக்கான வாய்ப்புள்ள பகுதிகள் தூய்மைப்படுத்தப்படுகின்றன. 3 காய்ச்சல் மையங்களில் தொடா்ந்து சோதனை செய்யப்படுகிறது. சின்னப்பா காா்டனில் பாதிக்கப்பட்டிருந்த 3 பேரும் குணமாகிவிட்டனா். தினமும் சுகாதாரத் துறை அதிகாரிகளிடம் நிலைமையைக் கேட்டறிந்து, முன்னெச்சரிக்கை நடவடிக்கையை எடுத்து வருகிறோம். மேலும், கரோனா குறித்து மக்களிடம் விழிப்புணா்வு ஏற்படுத்தி வருகிறோம்.
ஊரடங்கால் பாதிக்கப்பட்டுள்ள ஆட்டோ ஓட்டுநா்கள், தச்சா்கள், குழாய் பழுதுபாா்ப்போா், நாவிதா்கள் உள்ளிட்ட அமைப்புசாரா தொழிலாளா்களுக்கு அரசு ரூ.10 ஆயிரம் உதவித்தொகையாக அளிக்க வேண்டும். ஊரடங்கை அறிவித்த அரசு, அதனால் பாதிக்கப்பட்ட ஏழைகள், நடுத்தர மக்களுக்கு எவ்வித பொருளாதார உதவியும் செய்யவில்லை. சிறுதொழில் நிறுவனங்களுக்கு பொருளாதார உதவித் தொகுப்பை அரசு அறிவிக்க வேண்டும் என்றாா் அவா்.