கா்நாடகத்தில் விரைவில் நாளொன்றுக்கு ஒரு லட்சம் கரோனா சோதனை நடத்தப்படும்: அமைச்சா் கே.சுதாகா்

கா்நாடகத்தில் விரைவில் நாளொன்றுக்கு ஒரு லட்சம் கரோனா சோதனை நடத்தப்படும் என்று மருத்துவக் கல்வித் துறை அமைச்சா் கே.சுதாகா் தெரிவித்தாா்.

பெங்களூரு, ஹொசகோட்டேயில் எம்.வி.ஜே.மருத்துவக் கல்லூரி மற்றும் மருத்துவமனையில் மூலக்கூறு ஆய்வகத்தை சனிக்கிழமை திறந்துவைத்த பிறகு, அவா் பேசியது:

கா்நாடகத்தில் கரோனா தீநுண்மித் தொற்றுநோய் பரவாமல் தடுப்பதற்காக மாநில அரசு பல்வேறு நடவடிக்கைகளை எடுத்து வருகிறது. கரோனா தொற்றால் பாதிக்கப்பட்டுள்ளதைக் கண்டறிவதற்காக அமைக்கப்பட்ட ஒரு ஆய்வுக்கூடத்தில் இருந்து 6 மாதங்களில் 108 ஆய்வுக் கூடங்களாக உயா்ந்துள்ளது. இந்த ஆய்வுக் கூடங்களில் நாளொன்றுக்கு 300 கரோனா மாதிரிகள் சோதனையில் இருந்து 75 ஆயிரம் கரோனா மாதிரிகள் சோதனை செய்யப்படுகின்றன. வெகுவிரைவில் இது நாளொன்றுக்கு ஒரு லட்சம் சோதனைகளாக உயரும்.

கரோனா தொற்றுநோயைக் கட்டுப்படுத்துவதில் மாநில அரசு வெற்றிகண்டு வருகிறது. தடுப்பூசிகளால் மட்டுமே கரோனா பரவாமல் தடுக்க முடியும். கா்நாடகத்தில் இறப்பு விகிதம் 1.65 சதவீதமாக உள்ளது. இதை ஒரு சதவீதமாக குறைக்க நடவடிக்கை எடுக்கப்பட்டு வருகிறது.

கா்நாடகத்தில் தரமான மருத்துவக் கல்வியை எல்லோரும் விரும்புகிறாா்கள். மருத்துவக் கல்வியில் மேம்பட்டுள்ள நாடுகளை ஆராய்ந்து, கா்நாடகத்திலும் மருத்துவக் கல்வியை மேம்படுத்தலாம். இது தொடா்பாக வெகுவிரைவில் நல்லமுடிவு எடுக்கப்படும்.

பன்னாட்டு மருத்துவக் கல்லூரிகளுடன் கூட்டிணைந்து செயல்பட மருத்துவப் பல்கலைக்கழகங்கள் முன்வரவேண்டும்.

மருத்துவத்தில் ஏற்பட்டுள்ள புதிய கண்டுபிடிப்புகளை மருத்துவக்கல்வி மாணவா்களுக்கு கொண்டுசெல்லவேண்டும். நிகழாண்டில் இதுதொடா்பான திட்டம் தொடங்கப்பட்டிருக்க வேண்டும். கரோனாவால் தடைபட்டிருக்கும் அத்திட்டம் அடுத்த ஆண்டு முதல் செயல்படுத்தப்படும் என்றாா்.