பெங்களூரு: மாநிலத்தில் ஊழலை ஒழிக்க ஆம் ஆத்மி கட்சிப் போராடும்: என்று அக்கட்சியின் மேலிடப்பாா்வையாளா் ரோமி பாட்டீ தெரிவித்தாா்.
பெங்களூரில் ஞாயிற்றுக்கிழமை அக்கட்சியின் சாா்பில் பெங்களூரு மாநகராட்சித் தோ்தல் தொடா்பாக நடைபெற்ற கூட்டத்தில் கலந்து கொண்ட பின்னா் அவா் செய்தியாளா்களிடம் கூறியது:
தில்லி மாதிரியில், கா்நாடகத்திலும் ஊழல் இல்லாத ஆட்சியை கொண்டுவர ஆம் ஆத்மி பாடுபடும். கடந்த 6 ஆண்டுகளுக்கு முன்பு தில்லியில் ஆட்சிக்கு வந்த எங்கள் கட்சி, மாநிலத்தில் உள்கட்டமைப்பு, கல்வி, சுகாதாரத்திற்கு முன்னுரிமை அளித்து, மாற்றத்தைக் கொண்டு வந்தது.
மாநிலத்தில் ஊழலை ஒழிப்பதே ஆம் ஆத்மி கட்சியின் நோக்கமாக உள்ளது. ஊழலை ஒழிக்க ஆம் ஆத்மி கட்சி தொடா்ந்து போராட்டங்களில் ஈடுபடும். வரி வசூலை எளிமையாக்கினால், மாநிலத்தின் கருவூலத்தை நிரப்ப முடியும். இதனைக் கருத்தில் கொண்டு மாநில அரசு செயல்பட வேண்டும். பெங்களூரு மாநகராட்சித் தோ்தல் விரைவில் நடைபெற உள்ளது. எனவே ஆம் ஆத்மி கட்சியினா் வாக்குச்சாவடி மட்டத்தில் மக்களைச் சந்தித்து, நமது சாதனைகளை தெரிவிக்கவேண்டும். 6 ஆண்டுகளில் தில்லியில் பல்வேறு மாற்றங்களை ஆம் ஆத்மி கட்சி கொண்டு வந்துள்ளது. இதனை மாதிரியாக கொண்டு, பெங்களூரு மாநகராட்சித் தோ்தலையும் சந்திக்க வேண்டும். அடுத்து நடைபெற உள்ள சட்டப்பேரவைத் தோ்தலில், ஆம் ஆத்மி கட்சி சாா்பில் அனைத்து தொகுதிகளிலும் வேட்பாளா்கள் நிறுத்தப்படுவாா்கள் என்றாா்.