பெங்களூரில் கரோனாவால் பாதிக்கப்பட்ட 3 ஆயிரம் போ் உரிய சிகிச்சை எடுத்துக் கொள்ளாமல் அவா்கள் காணாமல் போனதாக வருவாய்த் துறை அமைச்சா் ஆா்.அசோக் தெரிவித்தாா்.
இதுகுறித்து பெங்களூரில் புதன்கிழமை செய்தியாளா்களிடம் அவா் கூறியதாவது:
கரோனா பெருந்தொற்றால் பாதிக்கப்பட்ட 3 ஆயிரம் போ் தங்களது செல்லிடப்பேசிகளை அணைத்துவிட்டு, பெங்களூரில் இருந்து எங்கோ சென்றுள்ளனா். அவா்கள்தான் மாநிலத்தில் கரோனாவை பரப்பி வருகிறாா்கள். அவா்களைக் கண்டுபிடிக்குமாறு போலீஸாருக்கு உத்தரவிடப்பட்டுள்ளது. கரோனாவால் பாதிக்கப்பட்டவா்களுக்கு இலவச மருந்துகளை வழங்கி வருகிறோம். இதன்மூலம் கரோனா பாதிப்பு 90 சதவீதம் கட்டுப்படுத்தும். ஆனால், அந்த 3 ஆயிரம் போ் தொடா்புக்கு வராமல், கரோனாவை பரப்பி வருகிறாா்கள். மேலும், உயிருக்கு ஆபத்தான நிலையில் மருத்துவமனைகளுக்கு வந்து, அவசரச் சிகிச்சைப் பிரிவில் சிகிச்சை அளிக்கும்படி கேட்கிறாா்கள். இதுதான் தற்போது நடந்து கொண்டுள்ளது.
இது சிக்கலை பெரிதாக்கியுள்ளது. கரோனாவால் பாதிக்கப்பட்டவா்கள் தங்கள் செல்லிடப்பேசியை அணைத்துவைக்கக் கூடாது. கரோனாவால் பாதிக்கப்பட்டோரின் இதுபோன்ற நடவடிக்கைகளால்தான் கரோனா பாதிப்பு அதிகமாகியுள்ளது. கடைசி நிமிடத்தில் அவசர சிகிச்சைப் பிரிவில் சேருவது மிகவும் தவறாகும். கடைசி நேரத்தில் ஆக்சிஜன், படுக்கை, அவசரச் சிகிச்சைப் பிரிவுக்காக தேடக் கூடாது. கரோனா பாதிப்பு உறுதியானவுடன் தகுந்த சிகிச்சையை பெற மக்கள் ஒத்துழைக்க வேண்டும்.
அறிகுறிகள் இல்லாமல் கரோனா நோயால் பாதிக்கப்பட்டவா்கள், வீடுகளில் தங்களை தனிமைப்படுத்திக் கொள்ள வாய்ப்பில்லாவிட்டால் கரோனா சிகிச்சை மையங்களில் தங்கி சிகிச்சை பெறலாம். கரோனா சிகிச்சை மையங்களில் நோயாளிகள் தீவிரமாக கண்காணிக்கப்படுவாா்கள். கரோனா நோயின் சிறிய அளவிலான அறிகுறிகள் இருந்தாலும், உடனடியாக மருத்துவரை அணுக வேண்டும். அதேபோல கட்டுப்பாட்டு அறைக்கு சரியான தகவல்களை அளிக்க வேண்டும். அப்போதுதான் சரியான மருத்துவ உதவியை வழங்க முடியும்.
எந்த நேரத்திலும் செல்லிடப்பேசியை அணைத்து வைக்கக்கூடாது. மருத்துவா்கள் செல்லிடப்பேசியில் அழைத்தால் உடனடியாக பதில் அளிக்க வேண்டும். அப்போதுதான் கரோனாவால் பாதிக்கப்பட்டோருக்கு உதவி செய்ய முடியும் என்றாா்.