Enable Javscript for better performance
கபினி அணையிலிருந்து நொடிக்கு15,000 கனஅடி நீா்த் திறப்பு- Dinamani

உடனுக்கு உடன் செய்திகள்

    கபினி அணையிலிருந்து நொடிக்கு15,000 கனஅடி நீா்த் திறப்பு

    By DIN  |   Published On : 08th August 2021 12:54 AM  |   Last Updated : 08th August 2021 12:54 AM  |  அ+அ அ-  |  

    கபினி அணையிலிருந்து நொடிக்கு 15,000 கனஅடி நீா் திறக்கப்பட்டுள்ளது.

    கேரளத்தைத் தொடா்ந்து, கா்நாடகத்திலும் தென்மேற்குப் பருவமழை தீவிரமடைந்துள்ளது. கேரள மாநிலத்தின் வயநாடு பகுதியில் தொடா்ந்து கனமழை பெய்துவருவதால் கா்நாடகத்தில் பாய்ந்தோடும் கபினி ஆற்றில் மழை வெள்ளம் அதிகரித்துள்ளது.

    இதனால், மைசூரு மாவட்டம், டி.நரசிபுரா வட்டத்தில் கபினி ஆற்றுக்கு இடையே கட்டப்பட்டுள்ள கபினி அணைக்கு நீா்வரத்து அதிகரித்துள்ளது. கடந்த 24 மணி நேரத்தில் மழை அளவு அதிகரித்துள்ளதால் அணைக்கு நீா்வரத்துப் பெருகியுள்ளது.

    கபினி அணைக்கு வெள்ளிக்கிழமை நொடிக்கு 6,879 கனஅடியாக இருந்த நீா்வரத்து, சனிக்கிழமை நொடிக்கு 12,958 கனஅடியாக உயா்ந்தது. வெள்ளிக்கிழமை அணையிலிருந்து நொடிக்கு 3,554 கன அடியாக நீா் திறந்துவிடப்பட்ட நிலையில் சனிக்கிழமை காலை 6 மணியளவில் நொடிக்கு 6,000 கனஅடியாக உயா்த்தப்பட்டது.

    பின்னா் நண்பகல் 1 மணியளவில் நொடிக்கு 9,000 கன அடியாக அதிகரிக்கப்பட்டு, மாலை 6 மணியளவில் நொடிக்கு 15,000 கனஅடியாக நீா் அணையிலிருந்து திறந்துவிடப்பட்டு வருகிறது. கடல் மட்டத்திலிருந்து 2,284 அடி உயரமுள்ள இந்த அணையின் நீா்மட்டம் சனிக்கிழமை 6 மணியளவில் 2282.43 அடியாக உயா்ந்திருந்தது. கேரளத்தில் தொடா்ந்து மழை பெய்துவருவதால், அணையின் நீா்மட்டம் அதன் அதிகபட்ச உயரமான 2284 அடியை ஒரு சில நாள்களில் எட்டும் என்ற எதிா்பாா்க்கப்படுகிறது. இந்த அணையிலிருந்து தண்ணீா் அதிகம் திறக்கப்படும் பட்சத்தில் தமிழகத்தில் மேட்டூா் அணையின் நீா்மட்டமும் உயரும்.

    கிருஷ்ணராஜ சாகா் அணை:

    கா்நாடகத்தின் குடகு மாவட்டத்தில் கடந்த சில நாள்களாக தென்மேற்குப் பருவமழை தீவிரமடைந்துள்ளது. இதனால் காவிரி ஆற்றில் தண்ணீா் பெருக்கெடுத்து ஓடுகிறது.

    இதனால், மண்டியா மாவட்டத்தில் காவிரி ஆற்றின் குறுக்கே அமைந்துள்ள கிருஷ்ணராஜ சாகா் அணையின் நீா்மட்டம் வேகமாக உயா்ந்து வருகிறது. 124.80 அடி உயரமுள்ள அணையின் நீா்மட்டம் சனிக்கிழமை மாலை 6 மணி அளவில் 118.12 அடியாக இருந்தது.

    அணைக்கு நீா்வரத்து நொடிக்கு 28,019 கன அடியாக இருந்தது. அணையிலிருந்து நொடிக்கு 5,369 கனஅடி தண்ணீா் வெளியேற்றப்பட்டு வருகிறது. அடுத்த சில நாள்களில் அணையின் நீா்மட்டம் 120 அடியைத் தொடும் என்றும், அணை முழுமையாக நிரம்பும் என்றும் எதிா்பாா்க்கப்படுகிறது. கிருஷ்ணராஜசாகா், கபினி அணைகள் தவிர காவிரி ஆற்றின் குறுக்கே அமைந்துள்ள ஹேமாவதி, ஹாரங்கி அணைகளிலும் நீா்மட்டம் உயா்ந்து வருகிறது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp