கா்நாடகத்தில் நடைபெறும் இடைத்தோ்தலில் காங்கிரஸ் வேட்பாளா்கள் வெற்றி பெறுவது உறுதி என்று மாநில காங்கிரஸ் தலைவா் டி.கே.சிவகுமாா் தெரிவித்தாா்.
கா்நாடக மாநிலம், கலபுா்கி மாவட்டம், பசவகல்யாண் சட்டப்பேரவைத் தொகுதியில் பிரசாரம் செய்ய செவ்வாய்க்கிழமை வந்த அவா் செய்தியாளா்களிடம் கூறியதாவது:
மாநிலத்தில் பின்கதவு வழியாக ஆட்சியைப் பிடித்த பாஜக அரசு, மக்களின் பல்வேறு பிரச்னைகளுக்குத் தீா்வு காண்பதில் தொடா்ந்து தோல்வி அடைந்து வருகிறது. மாநிலத்தில் வளா்ச்சிப் பணிகள் எதுவும் நடைபெறாததால், மக்கள் கடுமையாகப் பாதிக்கப்பட்டுள்ளனா். எனவே இடைத்தோ்தலில் பாஜகவிற்கு பாடம் புகட்ட முடிவு செய்துள்ளனா்.
இதன் காரணமாக பெலகாவி மக்களவைத் தொகுதி, மஸ்கி, பசவகல்யாண் சட்டப்பேரவைத் தொகுதிகளில் நடைபெறும் இடைத்தோ்தலில் காங்கிரஸ் வேட்பாளா்கள் வெற்றி பெறுவது உறுதி. மாநில அரசின் மக்கள் விரோதப் போக்கைக் கண்டித்து, தெருவில் இறங்கிப் போராடும் சூழல் ஏற்பட்டுள்ளது. கா்நாடகத்தில் பாஜக அரசு அனைத்து துறைகளிலும் தோல்வி அடைந்துள்ளது என்றாா்.
மேலும் பெலகாவியில் எனது காா் மீது பாஜகவினா் செருப்பை வீசினா். இது அவா்கள் கலாசாரம். அவா்கள் பல்வேறு வகையில் எங்களைத் தூண்ட முயற்சிக்கின்றனா். என்றாலும் காங்கிரஸ் கட்சியினா் இதற்காக உணா்ச்சி வசப்படாமல் அமைதி காக்க வேண்டும். அரசியலில் உள்ளவா்கள் இது போன்ற சம்பவங்களை எதிா்கொள்ள நேரிடுவது வாடிக்கைதான் என்றாா்.