தமிழ்ப் பயிற்சியை நிறைவுசெய்த மாணவா்களுக்கு பாராட்டுச் சான்றிதழ் வழங்கப்பட்டது.
மத்திய அரசின் ராணுவ ஆராய்ச்சி மற்றும் மேம்பாட்டு நிறுவனத்தின்(டிஆா்டிஓ) அதிகாரிகளால் உருவாக்கப்பட்டுள்ள டிஆா்டிஓ பொங்கல் சங்கமம் அமைப்பின் சாா்பில் பெங்களூரில் அண்மையில் நடந்த நிகழ்ச்சியில் தமிழ்ப்பயிற்சியை நிறைவுசெய்த மாணவா்களுக்கு பாராட்டுச் சான்றிதழ் அளிக்கப்பட்டது. சங்கமத்தின் நிா்வாகி ராஜா தங்கமணி தலைமையில் நடந்த நிகழ்ச்சியில் ஆசிரியா்கள், மாணவா்கள் உள்ளிட்ட பலா் கலந்துகொண்டனா்.
இது குறித்து ராஜா தங்கமணி கூறியது:
தமிழ்நாடு அரசின் தமிழ் இணையக் கல்விக்கழகத்துடன் புரிந்துணா்வு ஒப்பந்தம் செய்துகொண்டு, பொங்கல் சங்கமத்தின் சாா்பில் 2019ஆம் ஆண்டு முதல் 4 ஆண்டுகளாக தமிழ்ப் பயிற்சி வகுப்புகளை நடத்தி வருகிறோம். பெங்களூரைச் சோ்ந்த மக்கள் மட்டுமல்லாது பல்வேறு மாநிலங்களைச் சோ்ந்தவா்களும் இந்த வகுப்புகளில் சோ்ந்து பயின்றுள்ளனா். தமிழ்ப் பயிற்சி வகுப்புகளை நேரடியாகவும், இணையவழியாகவும் நடத்தி வருகிறோம்.
பயிற்சியை நிறைவுசெய்த மாணவா்களுக்கு கடந்த ஜனவரி மாதம் தமிழ் இணையக் கல்விக்கழகத்தின் சாா்பில் தோ்வு நடத்தப்பட்டது. இத்தோ்வை 188 மாணவா்கள் எழுதினாா்கள். இதில் தோ்ச்சி பெற்ற மாணவா்களுக்கு பாராட்டுச்சான்றிதழ் வழங்கப்பட்டது. இந்நிகழ்ச்சியில் மாணவா்களின் தமிழ்மொழித் திறனை வெளிப்படுத்தும் வகையில் திருக்கு விநாடி வினா, பேச்சுப் போட்டி, ஒரு நிமிடம் தூய தமிழில் பேசுதல், மாறுவேடப் போட்டி போன்ற பல்வேறு போட்டிகள் நடத்தப்பட்டன. இதில் 50க்கும் மேற்பட்ட மாணவா்கள் ஆா்வமுடன் கலந்து கொண்டு தத்தம் திறமைகளை வெளிப்படுத்தினா். தமிழ் மொழியைக் கற்றுக்கொள்ள விரும்புவோா் மின்னஞ்சலில் எங்களைத் தொடா்பு கொள்ளலாம் என்று அவா் தெரிவித்தாா்.