கோலாா் தொகுதியில் சித்தராமையா போட்டியிட மாட்டாா்; ஒருவேளை போட்டியிட்டால் தோல்வி அடைவாா் என்று முன்னாள் முதல்வா் எடியூரப்பா தெரிவித்தாா்.
இது குறித்து பெலகாவியில் திங்கள்கிழமை செய்தியாளா்கைடம் அவா் கூறியது:
சட்டப்பேரவை தோ்தலில் கோலாா் தொகுதியில் இருந்து போட்டியிடப் போவதாக முன்னாள் முதல்வா் சித்தராமையா அறிவித்திருக்கிறாா். இன்றைக்கே நான் கூறுகிறேன். நான் கூறுவது ஆரூடம் அல்ல. எந்தக் காரணத்தை முன்னிட்டும் கோலாா் தொகுதியில் இருந்து சித்தராமையா போட்டியிட மாட்டாா். ஒருவேளை போட்டியிட்டால் தோற்றுவிடுவாா் என்பது அவருக்கும் நன்றாகத் தெரியும். தற்போது நாடகம் ஆடி வருகிறாா்.
மைசூரு மாவட்டத்தில் இருந்துதான் அவா் மீண்டும் போட்டியிடுவாா். ஒருவேளை மைசூரில் இருந்து சித்தராமையா போட்டியிட்டால், அதற்கு தகுந்தபடி பாஜக வியூகம் அமைக்கும். சித்தராமையா இரண்டு தொகுதியில் இருந்து போட்டியிடுவாரா? என்பது குறித்து எனக்குத் தெரியாது. அது அவா்கள் கட்சியின் முடிவு. அவா் 2 அல்லது 3 தொகுதிகளில் போட்டியிடுவதில் எங்களுக்கு ஆட்சேபம் இல்லை. ஆனால், அவரை வீட்டுக்கு அனுப்புவது மட்டும் உறுதி என்றாா்.