பிரஜ்வல் ரேவண்ணாவுக்கு ‘ப்ளூ காா்னா்’ நோட்டீஸ்

பிரஜ்வல் ரேவண்ணாவுக்கு ‘ப்ளூ காா்னா்’ நோட்டீஸ்

பாலியல் குற்றச்சாட்டில் சிக்கி தற்போது வெளிநாட்டில் இருக்கும் மஜத எம்.பி. பிரஜ்வல் ரேவண்ணாவுக்கு எதிராக ‘ப்ளூ காா்னா்’ நோட்டீஸ் பிறப்பிக்கப்பட்டுள்ளது.

பாலியல் குற்றச்சாட்டில் சிக்கி தற்போது வெளிநாட்டில் இருக்கும் மஜத எம்.பி. பிரஜ்வல் ரேவண்ணாவுக்கு எதிராக ‘ப்ளூ காா்னா்’ நோட்டீஸ் பிறப்பிக்கப்பட்டுள்ளது.

முன்னாள் பிரதமா் தேவெ கௌடாவின் பேரனும், ஹாசன் மக்களவைத் தொகுதியின் எம்.பி.யுமான பிரஜ்வல் ரேவண்ணா பல பெண்களைப் பாலியல் வன்கொடுமை செய்ததாக புகாா் எழுந்தது. இதையடுத்து, பிரஜ்வல் ரேவண்ணா, அவரது தந்தையும் மதச்சாா்பற்ற ஜனதா தளத்தின் (மஜத) எம்எல்ஏவுமான எச்.டி.ரேவண்ணா ஆகிய இருவா் மீதும் மாநில சிறப்பு விசாரணைப் பிரிவு (எஸ்ஐடி) வழக்குப் பதிவு செய்து விசாரித்து வருகிறது.

இந்நிலையில், பாலியல் புகாா் அளித்த பெண்ணைக் கடத்தியதாக பதிவு செய்யப்பட்ட வழக்கில் தந்தையும் முன்னாள் பிரதமருமான தேவெ கெளடாவின் வீட்டில் இருந்த எச்.டி.ரேவண்ணாவை கா்நாடக சிறப்புப் படையினா் சனிக்கிழமை கைது செய்தனா்.

இதனிடையே, ஜொ்மனிக்கு சென்றுள்ள பிரஜ்வல் ரேவண்ணாவுக்கு எதிராக இரு முறை ‘லுக் அவுட்’ நோட்டீஸ் கொடுக்கப்பட்டது. ஆனால், பிரஜ்வல் ரேவண்ணா நாடு திரும்பாத நிலையில், அவரை கைது செய்ய ப்ளூ காா்னா் நோட்டீஸ் வழங்க வேண்டும் என்று சிபிஐ-க்கு காா்நாடக மாநில சிறப்பு விசாரணைப் பிரிவு கோரிக்கை வைத்திருந்தது.

அந்தக் கோரிக்கையையேற்று, பிரஜ்வல் ரேவண்ணாவுக்கு எதிராக தற்போது ப்ளூ காா்னா் நோட்டீஸ் விடுக்கப்பட்டுள்ளது. ஒருவா் மீது குற்றவியல் வழக்குப் பதிவு செய்யப்பட்டால் அவரை பிடிப்பதற்காக வெளிநாடுகளுக்கு அனுப்பப்படுவது ப்ளூ காா்னா் நோட்டீஸ் ஆகும்.

X
Dinamani
www.dinamani.com