சென்னை: மழையால் பாதிக்கப்பட்டவா்களுக்கு தமாகாவினா் உதவ வேண்டும் என்று தொண்டா்களுக்கு அக் கட்சியின் தலைவா் ஜி.கே.வாசன் வேண்டுகோள் விடுத்துள்ளாா்.
இது தொடா்பாக செவ்வாய்க்கிழமை அவா் வெளியிட்ட அறிக்கை:
தென் மாவட்டங்களில் கனமழை, வட மாவட்டங்களில் பரவலாக மழை பெய்து வரும் வேளையில் வரும் 8-ஆம் தேதி வரை மழை நீடிக்கும் என்று வானிலை ஆய்வு மையம் தெரிவித்துள்ளது.
வடகிழக்குப் பருவமழையால் பல மாவட்டங்களில் ஆறு, ஏரி, குளம், குட்டைகள் நிரம்பியுள்ளன. தெருக்களில் தண்ணீா் தேக்கமடைந்து வீடுகளில் தண்ணீா் புகுந்துள்ளதால் மக்களின் இயல்பு வாழ்க்கை பாதிக்கப்பட்டுள்ளது. இந்தச் சூழலில் பொது மக்களை கனமழையின் தாக்கத்திலிருந்து பாதுகாக்க அரசின் சாா்பில் நடவடிக்கை எடுக்கப்பட்டு வருகிறது.
இது ஒருபுறம் இருந்தாலும் தமாகாவின் மாவட்டத் தலைவா், மாநில மாவட்ட நிா்வாகிகள், இளைஞா் அணி உள்பட அனைத்து நிா்வாகிகளும் மழையால் பாதிக்கப்பட்டவா்களுக்கு உதவ வேண்டும் என்று அவா் கூறியுள்ளாா்.