வேலைவாய்ப்பு அலுவலகத்தில் 72.85 லட்சம் பேர் பதிவு

அரசு பணிகளுக்காக வேலைவாய்ப்பு அலுவலகத்தில் 72.85 லட்சம் பேர் பதிவு செய்துள்ளனர். கடந்த மே 31-ஆம் தேதி நிலவரப்படி வேலைவாய்ப்பு அலுவலகத்தில் பதிவு செய்துள்ளோரின் எண்ணிக்கை 72 லட்சத்து 85 ஆயிரத்து 444 ஆகும்.
அதில், 18 வயதுக்கு உள்பட்ட பள்ளி மாணவ-மாணவிகள் 15 லட்சத்து 20 ஆயிரத்து 269 பேரும், 19 வயது முதல் 23 வயதுள்ள கல்லூரி மாணவ-மாணவிகள் 18 லட்சத்து 35 ஆயிரத்து 548 பேரும், 24 வயது முதல் 35 வயதுள்ளவர்கள் 27 லட்சத்து 44 ஆயிரத்து 132 பேரும், 36 வயது முதல் 57 வயதுள்ளவர்கள் 11 லட்சத்து 77 ஆயிரத்து 973 பேரும் வேலைவாய்ப்பு அலுவலகத்தில் பதிவு செய்தி காத்திருப்பதாக தமிழக அரசு தெரிவித்துள்ளது. 
அரசுப் பணிகளில் ஓய்வு பெறும் வயதான 58 வயதுக்கு மேற்பட்ட 7 ஆயிரத்து 522 பேரும் வேலைவாய்ப்பு அலுவலகத்தில் பதிவு செய்துள்ளதாக மாநில அரசு தெரிவித்துள்ளது.