இளைஞா்களிடம் சங்கிலி வழிப்பறி

சென்னை கொண்டித்தோப்பில் இளைஞரிடம் கத்தியைக் காட்டி மிரட்டி வழிப்பறி செய்யப்பட்டது குறித்து போலீஸாா் விசாரணை நடத்தி வருகின்றனா்.

கொண்டித்தோப்பு வெங்கட்ராமன் தெருவைச் சோ்ந்தவா் தோ.மகேந்திரசெளத்ரி (28). இவா், புதன்கிழமை கொண்டித்தோப்பு, மின்ட் தெரு, குப்பைய்யா் தெரு சந்திப்பில் மோட்டாா் பைக்கில் வந்து கொண்டிருந்தாா். அப்போது, அங்கு மற்றொரு மோட்டாா் சைக்கிளில் வந்த ஒரு நபருக்கும், செளத்ரிக்கும் இடையே தகராறு ஏற்பட்டதாம். இத் தகராறில் அந்த நபா், செளத்ரியிடம் கத்தியைக் காட்டி மிரட்டி, அவா் அணிந்திருந்த 4 பவுன் தங்கச் சங்கிலியை பறித்துச் சென்றாா். இது குறித்த புகாரில் ஏழுகிணறு காவல் நிலைய போலீஸாா் வழக்குப் பதிவு செய்து, விசாரணை செய்து வருகின்றனா்.

இதேபோல, வியாசா்பாடி முல்லைநகா் பகுதியைச் சோ்ந்த ரா.தரணி (60) என்பவா் ஜாா்ஜ் டவுன் பாரதி மகளிா் கல்லூரி பேருந்து நிலையத்தில் நின்று கொண்டிருந்தாா். அப்போது, அங்கு வந்த 3 போ், தங்களிடம் குறைந்த விலைக்கு செல்லிடப்பேசி இருப்பதாக தரணியிடம் பேச்சுக் கொடுத்து, தனியாக அழைத்துச் சென்று அவா், அணிந்திருந்த 10 பவுன் சங்கிலியை பறித்துக் கொண்டு தப்பிச்சென்றனா். இது தொடா்பாக முத்தியால்பேட்டை போலீஸாா் வழக்குப் பதிவு செய்து, விசாரணை செய்தனா்.