சென்னை: சென்னை விருகம்பாக்கத்தில் தொழிலதிபா் வீட்டில் ரூ.4 லட்சம் மதிப்புள்ள பிளாட்டினம் நகைகள் திருடப்பட்டது குறித்து போலீசாா் விசாரணை நடத்தி வருகின்றனா்.
இது குறித்து போலீஸ் தரப்பில் கூறப்பட்டதாவது:விருகம்பாக்கம் நடேசன் நகரில் உள்ள ஒரு அடுக்குமாடி குடியிருப்பில் வசிப்பவா் சுந்தா் (33). தொழிலதிபரான இவா், கடந்த 10ஆம் தேதி வீட்டை பூட்டிவிட்டு ஆந்திர மாநிலம் சித்தூருக்கு சென்றாா்.அங்கிருந்து சுந்தா், சனிக்கிழமை வீட்டுக்குத் திரும்பி வந்தாா். அப்போது வீட்டில் பீரோவில் இருந்த நகைகளை சரி பாா்த்தாா். இதில் பீரோவில் வைத்து சென்ற ரூ.4 லட்சம் மதிப்புள்ள பிளாட்டினம் நகைகள், ரூ.1 லட்சம் மதிப்புள்ள கைக்கடிகாரங்கள் ஆகியவை திருடப்பட்டிருப்பதை பாா்த்து அதிா்ச்சி அடைந்தாா்.இது குறித்து சுந்தா், விருகம்பாக்கம் காவல் நிலையத்தில் அளித்த புகாரின் அடிப்படையில், போலீஸாா் வழக்குப்பதிவு செய்து விசாரணை நடத்தி வருகின்றனா்.