சென்னை அண்ணா சாலையில் ரெளடி கும்பல் வியாழக்கிழமை மோதிக் கொண்டனா். இதில் நாட்டு வெடிகுண்டு வீசப்பட்டது குறித்து போலீஸாா் விசாரணை நடத்தி வருகின்றனா்.
இது குறித்து போலீஸ் தரப்பில் கூறப்பட்டதாவது: சென்னை ஜாம்பஜாா் பகுதியைச் சோ்ந்தவா் மலா்கொடி (51). வழக்குரைஞரான இவா், எழும்பூா் நீதிமன்றத்தில் பணியாற்றி வருகிறாா். மலா்கொடியின் மகன் அழகுராஜா (31). ரெளடியான இவா் மீது 9 வழக்குகள் உள்ளதாக காவல்துறை தரப்பில் கூறப்படுகிறது.
இந்நிலையில், வியாழக்கிழமை நண்பகல் மலா்கொடி தனது மகன் அழகுராஜா,ஐஸ்ஹவுஸ் பகுதியைச் சோ்ந்த மணிகண்டன் (20), விஜயகுமாா் (20) ஆகியோருடன் ஒரு ஆட்டோவில் எழும்பூா் நீதிமன்றம் சென்றாா். பின்னா் அங்கிருந்து ஆட்டோ மூலம் வீட்டுக்குத் திரும்பிக் கொண்டிருந்தாா். அப்போது, அண்ணாசாலை - பிளாக்கா்ஸ் சாலை சந்திப்பில் செல்லும்போது, எதிரே வந்த ஒரு ஆட்டோ அவா்களை மறித்துள்ளது.
ரெளடி கும்பல் மோதல்: அந்த ஆட்டோவில் இருந்து இறங்கிய சில மா்ம நபா்கள், அரிவாளால் அழகு ராஜா தரப்பை வெட்டியது. இதில் மலா்கொடி காயம் அடைந்தாா். இதைப் பாா்த்த அழகுராஜா, ஆட்டோவில் மறைத்து வைத்திருந்த நாட்டு வெடிகுண்டுகளை அந்த மா்ம நபா்கள் மீது வீசினாா். உடனே அந்த நபா்கள், அங்கிருந்து ஆட்டோவில் தப்பியோடினா். இதற்கிடையே அழகு ராஜா, வீசிய நாட்டு வெடிகுண்டு அங்கு சாலையில் நடந்து சென்ற யாசா்,மேரி தாமஸ் ஆகியோா் மீது விழுந்ததில், அவா்கள் காயமடைந்தனா். இதைப் பாா்த்த பொதுமக்கள் அலறியடித்து ஓட்டினா். தகவலறிந்த போலீஸாா், காயமடைந்த மலா்கொடி, அழகுராஜா, யாசா்,மேரி தாமஸ் ஆகிய 4 பேரையும் மீட்டு, அரசு மருத்துவமனையில் சிகிச்சைக்காக சோ்த்தனா்.
இது தொடா்பாக சிந்தாதிரிப்பேட்டை போலீஸாா் வழக்குப் பதிவு செய்து, விசாரணை செய்து வருகின்றனா். சம்பவத்தில் தொடா்புடைய மலா்கொடி, அழகுராஜா, மணிகண்டன், விஜயகுமாா் ஆகிய 4 பேரிடமும் தீவிர விசாரணை செய்து வருகின்றனா். இது தொடா்பாக மயிலாப்பூா் பகுதியைச் சோ்ந்த ரெளடி சிவகுமாா் என்பவரை போலீஸாா் தேடி வருகின்றனா்.