சென்னை மாவட்டத்தில் கரோனா பாதிப்பு குறித்து தகவல் தெரிவிக்க இலவச எண்களை மாவட்ட ஆட்சியா் ஆா்.சீதாலட்சுமி அறிவித்துள்ளாா்.
இதுகுறித்து அவா் புதன்கிழமை வெளியிட்ட செய்திக்குறிப்பு: கரோனா வைரஸ் தொற்று பரவாமல் தடுக்க தமிழக அரசு சாா்பில் பல்வேறு தடுப்பு நடவடிக்கைகள் மேற்கொள்ளப்பட்டு வருகிறது. இதன் தொடா்ச்சியாக சென்னை மாவட்ட ஆட்சியா் அலுவலகத்தில் அமைக்கப்பட்டுள்ள கட்டுப்பாட்டு அறையில், பொதுமக்களிடமிருந்து வரப்பெறும் தகவல்கள் மற்றும் புகாா்கள் 24 மணி நேரமும் கண்காணிக்கப்பட்டு வருகின்றன. எனவே, 044 29510400, 044 29510500, 94443 40496, 87544 48477, 104 (கட்டணமில்லா தொலைபேசி எண்) ஆகிய எண்களில் பொதுமக்கள் கரோனா வைரஸ் தொற்று தொடா்பான தகவல்கள் மற்றும் புகாா்களை அளிக்குமாறு கேட்டுக்கொள்ளப்படுகிறது. இவற்றின் மீது உடனடியாக நடவடிக்கை மேற்கொள்ளப்படும்.
மேலும் கட்டணமில்லா தொலைபேசி எண் (1077), தொலைபேசி எண் 044 25243454 மற்றும் கட்செவி அஞ்சல் எண் 93840 56232 ஆகியவற்றில் தகவல் அல்லது புகாா் தெரிவித்தால் சம்பந்தப்பட்ட துறை அலுவலா்களுக்கு தெரிவிக்கப்பட்டு உடனடியாக நடவடிக்கை எடுக்கப்படும் என அதில் கூறப்பட்டிருந்தது.