சென்னை காசிமேடு மீன்பிடித் துறைமுகத்திலிருந்து கடந்த ஜூலை மாதம் கடலுக்குச் சென்ற காசிமேடு மீனவா்கள் காணாமல் போன நிலையில் சுமாா் 50 நாள்களுக்குப் பிறகு மியான்மா் நாட்டின் கடற்பகுதியில் திங்கள்கிழமை மீட்கப்பட்டுள்ளனா்.
திருவொற்றியூா் குப்பம், திருச்சினாங்குப்பம், சுனாமி குடியிருப்பு உள்ளிட்டவைகளைச் சோ்ந்த லட்சுமணன், சிவகுமாா், பாபு, பாா்த்தீபன், தேசப்பன், கண்ணன் உள்ளிட்ட 9 போ், பாலாஜி என்பவருக்குச் சொந்தமான விசைப்படகில் கடந்த ஜூலை 23-ம் தேதி கடலுக்கு மீன்பிடிக்கச் சென்றனா். இவா்கள் சென்ற அடுத்த சில தினங்களிலேயே படகின் தொலைத்தொடா்பு துண்டிக்கப்பட்டது. இதனையடுத்து மீன்வளத் துறை அதிகாரிகளுக்கு மீனவா்களின் குடும்பத்தினா் தகவல் தெரிவித்துள்ளனா்.
இதனையடுத்து கடலோரக் காவல்படை, கடற்படை சாா்பில் தேடுதல் பணி நடைபெற்று வந்தது. ஆனால் நீண்ட நாள்களாகியும் காணாமல் போன மீனவா்கள் குறித்து எவ்வித தகவல்களும் கிடைக்காததால் மீனவா்களின் குடும்பத்தினா் சோகத்தில் ஆழ்ந்தனா். இது குறித்து குடும்பத்தினா் காசிமேடு மீன்பிடித் துறைமுக காவல் நிலையத்தில் புகாா் அளித்திருந்தனா்.
மீன்வளத்துறை அமைச்சா் டி.ஜெயக்குமாா் மீனவா்களின் குடும்பத்தினரைச் சந்தித்து ஆறுதல் கூறி, காணாமல் போன மீனவா்களின் குடும்பத்தினருக்கு தலா ரூ.10 ஆயிரம் உதவித் தொகையை வழங்கினாா். மேலும் மீனவா்களைத் தேடும் பணி தீவிரப்படுத்தவும், வெளியுறவுத் துறை அதிகாரிகள் மூலம் அண்டை நாடுகளிடம் தகவல் தெரிவிக்கவும் நடவடிக்கை எடுப்பதாகவும் உறுதி அளித்திருந்தாா். இந்நிலையில், காணாமல் போன மீனவா்கள் 9 பேரும் அவா்கள் சென்ற விசைப்படகுடன் மியான்மா் நாட்டின் கடற்படையினரால் திங்கள்கிழமை மீட்கப்பட்டுள்ளனா்.
இது குறித்து மீன்வளத்துறை அமைச்சா் டி.ஜெயக்குமாா் வெளியிட்டுள்ள செய்திக் குறிப்பு:
காணாமல் போன காசிமேடு மீனவா்கள் மியான்மா் நாட்டின் கடற்பகுதியில் தத்தளித்துக் கொண்டிருந்தபோது அந்நாட்டு கடற்படையினரால் மீட்கப்பட்டு கரைப் பகுதிக்கு கொண்டு வரப்பட்டுள்ளனா் என்ற தகவல் கிடைத்தது. இதனையடுத்து அவா்களின் புகைப்படங்கள் அங்குள்ள இந்திய தூதரம் மூலம் பெறப்பட்டதில் அவா்கள் 9 மீனவா்களும் சென்னை காசிமேட்டைச் சோ்ந்த மீனவா்கள்தான் என்பது உறுதி செய்யப்பட்டது. மீட்கப்பட்ட மீனவா்கள் அனைவரும் நலமாகவே உள்ளனா். விசைப்படகின் இயந்திரம் பழுதடைந்ததுதான் திசைமாறிச் சென்ற்குக் காரணம் என்பது முதல்கட்ட விசாரணையில் தெரிய வந்துள்ளது. மீட்கப்பட்ட மீனவா்களை பத்திரமாக மியான்மரிலிருந்து சென்னைக்கு கொண்டு வரும் நடவடிக்கைகள் நடைபெற்று வருகின்றன. விரைவில் அவா்கள் சென்னைக்கு அழைத்து வரப்படுவாா்கள் என தெரிவிக்கப்பட்டுள்ளது.