பல்துறை எழுத்தாளா்களால் தமிழுக்குப் புதுமை!: கவிஞா் ஏா்வாடி ராதாகிருஷ்ணன்

தற்போது காவல் துறை, நிா்வாகத் துறையில் இருப்பவா்கள் எல்லாம் எழுத்தாளா்களாகி வருவது குறித்து கேட்டபோது, கவிஞா் எழுத்தாளா் ஏா்வாடி ராதாகிருஷ்ணன் கூறியது: தமிழில் தற்போது பல்துறையைச் சோ்ந்தவா்களும் எழுத்தாளா்களாக அறிமுகமாகி பிரபலமாகி வருகின்றனா். காவல்துறை, நிா்வாகத் துறைகளைச் சாா்ந்தவா்கள் தமிழ் எழுத்தாளா்களாகி அவா்களது துறை ஞானத்தை எழுத்தில் பிரதிபலிப்பதால், தமிழ் மொழி புதியதொரு செழுமையைப் பெற்றுள்ளது. அதே நேரத்தில் எழுத்துகளில் தமிழின் இலக்கியத் தாக்கம் குறைந்துள்ளதையும் ஒப்புக்கொள்ளவேண்டும்.

இலக்கியத் தாக்கத்துடன் இருக்கவேண்டிய தமிழ்ப் படைப்புகள் பெரும்பாலும் தற்போது செய்திகளின் அடிப்படையிலேயே இருக்கின்றன. படைப்பு உருவாக்கம் (கிரியேட்டிவிட்டி) இல்லாத நிலையிலே பெரும்பாலானோா் படைப்புகளை வெளியிடுகின்றனா். கவிதை, உரைநடை என அனைத்தையும் பெரும்பாலான எழுத்தாளா்கள் வா்த்தக நோக்கிலே படைப்பதும் தடுக்கப்பட வேண்டும். மொழியின் செழுமைக்குரியதாக படைப்பு அமைவது அவசியம்.

கடந்த 1971- ஆம் ஆண்டிலேயே நாங்கள் திரைப்படப் பாடல் எழுதினாலும், மொழி வளத்துக்காக பொது கவிதைகளைப் படைப்பதிலேதான் ஆா்வம் காட்டினோம். ஆனால், தற்போது கவிதை எழுதுவோா், திரைப் படத்துக்கான முகவரி அட்டையாகவே புத்தகத்தை வெளியிடுகின்றனா். தகவல் தொகுப்பு, வா்த்தக வெற்றி என்ற நிலையிலிருந்து மொழியின் செழுமை என்ற தளத்துக்கு இளம் எழுத்தாளா்கள் செல்லும் நிலையை ஏற்படுத்துவதும் அவசியம் என்றாா் அவா்.