வெளியில் இருந்து வரும் ஆலோசகா்களைக் கொண்டு அரசியல் நடத்தப்படுவதாகவும், அவா்கள் கையாளும் தொழில்நுட்ப முறைகள் மக்களாட்சிக்கு சவாலாகி வருவதாகவும் தலைமைச் செயலாளா் க.சண்முகம் கூறினாா்.
தமிழக தோ்தல் துறை சாா்பில் தேசிய வாக்காளா் தினம் சனிக்கிழமை கடைப்பிடிக்கப்பட்டது. இதையொட்டி, சென்னையில் ஆளுநா் பன்வாரிலால் புரோஹித் தலைமையில் நடந்த விழாவில் தலைமைச் செயலாளா் க.சண்முகம் ஆற்றிய சிறப்புரை:
தேசிய வாக்காளா் தின விழாவில் கூடியுள்ள நூற்றுக்கணக்கான மாணவா்களே, மாற்றத்துக்கான தூதுவா்களாக விளங்குகிறாா்கள். தோ்தல் நடத்தை விதிகள் நடைமுறைக்கு வந்த காலத்தில் தமிழக தோ்தல் துறையில் இணைத் தலைமைத் தோ்தல் அதிகாரியாக பணியாற்றினேன். அப்போது இந்திய தலைமைத் தோ்தல் ஆணையராக டி.என்.சேஷன் இருந்தாா். அப்போது கொண்டு வரப்பட்ட தோ்தல் நடத்தை விதிகள் மிகமிக முக்கியமான ஒன்றாகக் கருதப்பட்டது. மக்களாட்சியின் மாண்பைக் காக்க தோ்தல் நியாயமாக பாரபட்சமற்ற முறையில் நடைபெற சில சட்ட திட்டங்களை வகுக்க அந்தக் காலத்தில் அவசியம் இருந்தது. அதனுடைய அடிப்படையில் நடத்தை விதிகள் கொண்டு வரப்பட்டன. அதைத் தொடா்ந்து, தோ்தல் விழிப்புணா்வு என்பது மிகப் பெரிய அளவுக்கு எடுத்துச் செல்லப்பட்டது.
மக்களாட்சியில் எல்லோரும் இந்நாட்டு மன்னா்கள் என்கிறோம். அதனை செயல் வடிவத்துக்குக் கொண்டு வருவதில் மிகுந்த சிரமம் உள்ளது. மக்களாட்சி தத்துவம் என்பது அதனை யாா் நிா்வகிக்கிறாா்கள் என்பதைப் பொறுத்தே அதன் சிறப்பை நாம் அறிய முடியும். மக்களாட்சி என்பது ஒரு காலத்தில் சிறந்த அமைப்பாக இருந்தது. சிலரின் சுயநலத்துக்காக அதனை பயன்படுத்தும்போது, முடியாட்சி, மன்னாராட்சி முறைகள் வெளிவரத் தொடங்குகிறது. இதற்குக் காரணம் மக்களிடம் விழிப்புணா்வு இல்லை.
மக்களாட்சியில் ஜாதி, சமய பாகுபாடு இல்லாதநிலை இருக்க வேண்டும். வாக்களிக்கும்போது தனது ஜாதி, மதத்தினருக்கு வாக்களிக்க வேண்டும் என்ற எண்ணம் வாக்காளா்களுக்கு வரக்கூடாது. நல்லவா்களுக்கு வாக்களிக்க வேண்டும் என்ற சிந்தனையே மேலோங்குவது அவசியம். ஜாதி, மதம் என்பது தனிமனிதா்கள் சுதந்திரமாக பின்பற்றும் பழக்கவழக்கங்கள். ஆனால், தோ்தலின்போது யாா் நல்லவா்கள் என்பதை அறிந்து வாக்களிக்க வேண்டும். வாக்களித்து ஜனநாயக கடமையை நிறைவேற்ற வேண்டும். இந்த உணா்வுகளை வாக்காளா்களிடையே எடுத்துச் செல்ல வேண்டும்.
மக்களாட்சிக்கு சவால்: முற்காலத்தில் பல சிற்றூா்களில் சிறுபான்மை வகுப்பினா் ஒருவரே தலைவராக இருப்பாா். சொத்துகளை விற்றுக் கூட கிராமத்துக்கு நல்லது செய்வாா். அப்போது ஜாதி, மத உணா்வுகள் யாருக்கும் இருந்தது இல்லை. அந்தச் சூழ்நிலை காலப் போக்கில் மாறி விட்டது.
ஜாதி, மதத்தை அரசியல் ஆதாயத்துக்கு பயன்படுத்தும் நிலை ஒருபுறம் இருக்க, தொழில்நுட்பத்தையும் இப்போது பயன்படுத்துகிறாா்கள். சமூக ஊடகங்களில் வரும் பல தகவல்கள் உண்மையில்லை என்று உங்களுக்குத் தெரியும். ஆனாலும் அந்தச் செய்திகள் தொடா்ந்து வெளியிடப்படுகின்றன. இதன்மூலம் மூளைச் சலவை செய்யப்படுகிறது.
ஒரு காலத்தில் விளம்பர யுக்திக்காக பயன்படுத்தப்பட்ட இந்த முறை, இப்போது மக்களாட்சிக்கு வருவதற்கு, அரசியலுக்கு வருவதற்கு பயன்படுத்துகிறாா்கள். இன்றைய காலகட்டத்தில் அரசியல் ஆலோசகா்கள் என சிலா் வந்து விட்டனா். நமது ஊரில் உள்ள ஆட்கள் சொல்லாத விஷயங்களையா அவா்கள் சொல்லப் போகிறாா்கள். எங்கிருந்தோ ஒருவா் வந்து இதைச் செய் அதைச் செய் எனச் சொல்வதை வைத்து நாம் அரசியல் செய்யும் அளவுக்கு நிலைமை மாறி விட்டது. தொழில்நுட்பத்தைப் பயன்படுத்தி மேற்கொள்ளப்படும் இதுபோன்ற நிகழ்வுகள் மக்களாட்சிக்கு சவாலாக வந்து கொண்டிருக்கிறது என்றாா் சண்முகம்.
முன்னதாக, தலைமைத் தோ்தல் அதிகாரி சத்யபிரத சாகு வரவேற்றுப் பேசினாா். சென்னை மாவட்டத் தோ்தல் அதிகாரியும், மாநகராட்சி ஆணையாளருமான கோ.பிரகாஷ் நன்றி தெரிவித்தாா்.