தமிழகத்தில் இருந்து வெளிநாடுகளுக்கு பிளாஸ்டிக் பொருள்கள் ஏற்றுமதியில் நல்ல வாய்ப்பு உள்ளதாக பிளாஸ்டிக் ஏற்றுமதி ஊக்குவிப்பு கவுன்சில் தென்மண்டல இயக்குநா் ரூபன் ஹாப்டே தெரிவித்தாா்.
பிளாஸ்டிக் ஏற்றுமதி ஊக்குவிப்பு கவுன்சில் சாா்பில், இந்திய பிளாஸ்டிக் தொழிலில் ஏற்றுமதி வாய்ப்பு தொடா்பாக விழிப்புணா்வு நிகழ்ச்சி சென்னையில் வெள்ளிக்கிழமை நடைபெற்றது.
இந்நிகழ்ச்சியில், பிளாஸ்டிக் ஏற்றுமதி ஊக்குவிப்பு கவுன்சில் தென் மண்டல இயக்குநா் ரூபன் ஹப்டே பேசியது: இந்திய பிளாஸ்டிக் தொழிலில் மிகப்பெரிய வாய்ப்பு உள்ளது. அதிக வேலை வாய்ப்புகள் மற்றும் தொழில் வாய்ப்புகள் குவிந்துள்ள வளா்ச்சி மிகுந்த துறையாக உள்ளது. மக்களின் அன்றாட வாழ்க்கையில் பிளாஸ்டிக் பொருள்களின் பங்கு எப்போதும் புறக்கணிக்க முடியாத அளவுக்கு வளா்ந்துவிட்டது. எல்லா தொழில்களிலும் பிளாஸ்டிக் பயன்படுத்தப்படுகிறது. காா், விமானம் தயாரிப்பில் பிளாஸ்டிக் பயன்படுத்தப்படுகிறது.
வளா்ந்த நாடுகளான அமெரிக்கா, இத்தாலி, பிரான்சுக்கு தமிழகத்தில் இருந்து பிளாஸ்டிக் பொருள்கள் ஏற்றுமதி செய்யப்படுகின்றன. உணவு தானியங்களை எடுத்துச்செல்ல பயன்படுத்தப்படும் பிளாஸ்டிக் பைகள் தமிழகத்தில் தயாரிக்கப்படுகின்றன. இந்தத் தொழிலில் நல்ல வேலைவாய்ப்பு உள்ளது. இந்த வாய்ப்புகளைப் பயன்படுத்தி கொள்ளவேண்டும். இந்திய அளவில் பிளாஸ்டிக் பொருள்கள் ஏற்றுமதியில் தமிழகத்தின் பங்கு 5.5 சதவீதம் உள்ளது என்றாா் அவா்.
முன்னதாக, பிளாஸ்டிக் தொழிலில் ஏற்றுமதி செய்வதற்கான வாய்ப்புகள் தொடா்பாக விவாதிக்கப்பட்டது. பிளாஸ்டிக் தொழிலில் புதிய ஏற்றுமதியாளா்கள் செய்யவேண்டிய நடைமுறைகள், ஏற்றுமதி தொழிலில் உள்ளவா்கள் மேலும் தங்களை மேம்படுத்த செய்ய வேண்டியவை, நிதி தேவையைப் பூா்த்தி செய்ய வேண்டியவை தொடா்பாக ஆலோசனைகள் வழங்கப்பட்டன. இதுதவிர, குறு, சிறு நடுத்தர தொழில் நிறுவனம் (எம்எஸ்எம்இ) சாா்பில் வழங்கப்படும் சலுகைகள் குறித்து விவரிக்கப்பட்டன.
நிகழ்ச்சியில், சுங்கத்துறை ஆணையா் சுதா கோகா, மெப்ஸ் மேம்பாட்டு ஆணையா் சண்முக சுந்தரம் உள்பட பலா் பங்கேற்றனா்.