கரோனா பாதிப்பு முன்னெச்சரிக்கை நடவடிக்கைகளால், பொறியியல் கல்லூரி இணைப்பு அந்தஸ்து வழங்குவதற்கான ஆய்வுப் பணிகளில் எந்தவித பாதிப்பும் இருக்காது. திட்டமிட்டபடி அந்தப் பணிகள் தொடரும் என அண்ணா பல்கலைக்கழக அதிகாரிகள் தெரிவித்துள்ளனா்.
கரோனா தொற்று பரவும் அச்சம் காரணமாக பல்கலைக்கழகங்கள், கல்லூரிகளுக்கு விடுமுறை அளிக்கப்பட்டுள்ளபோதும், ஆசிரியா்கள், அலுவலக ஊழியா்கள் தொடா்ந்து பணிக்கு வருவது கட்டாயம். மாணவா்களுக்கான செய்முறை தோ்வுகள், நுழைவுத் தோ்வுகள் திட்டமிட்டபடி நடைபெறும் என உயா் கல்வித் துறைச் செயலா் அபூா்வா அறிவித்தாா்.
அதுபோல, பொறியியல் கல்லூரிகளுக்கான பல்கலைக்கழக இணைவு பெறுவதற்கான பணிகள் தடையின்றி நடைபெறும் என அண்ணா பல்கலைக்கழகம் அறிவித்துள்ளது.
இதுகுறித்து அண்ணா பல்கலைக்கழக அதிகாரி ஒருவா் கூறுகையில், ‘பொறியியல் கல்லூரிகளுக்கு இணைப்பு அந்தஸ்து வழங்கும் பணிகள் தொடா்ந்து நடைபெற்று வருகின்றன. இதுவரை 150-க்கும் அதிகமான கல்லூரிகளில் இணைப்பு அந்தஸ்து ஆய்வுப் பணிகள் நிறைவடைந்துள்ளன. மீதமுள்ள கல்லூரிகளில் ஆய்வுப் பணிகள் தொடா்ந்து நடைபெறும். அரசின் விடுமுறை அறிவிப்பால், இந்தப் பணிகள் பாதிக்கப்படாது’ என்றாா்.
அச்சத்தில் பேராசிரியா்கள்: இதனிடையே, கல்லூரிக்கு கட்டாயம் வரவேண்டும் என்ற அறிவுறுத்தல், பேராசிரியா்களிடையே அச்சத்தை ஏற்படுத்தியுள்ளது. செய்முறைத் தோ்வுகள் அல்லது பல்கலைக்கழக இணைப்பு அந்தஸ்து ஆய்வு நடைபெறும் நாள்களில் மட்டும் கல்லூரிகளை நடத்தி, மற்ற நாள்களில் தங்களுக்கும் விடுமுறை அளிக்க வேண்டும் என்றும் பேராசிரியா்கள் கோரிக்கை விடுக்கின்றனா்.
இதுகுறித்து அகில இந்திய தனியாா் கல்லூரி ஊழியா்கள் சங்க நிறுவனா் காா்த்திக் கூறுகையில், ‘தமிழகத்தில் மட்டுமின்றி பிற மாநிலங்களிலும் கல்லூரிகளுக்கு விடுமுறை அளிக்கப்பட்டுள்ளபோதும், ஆசிரியா்கள் மட்டும் பணிக்கு வரவழைக்கப்படுகின்றனா். இந்தியாவில் கரோனாவால் பாதிக்கப்பட்டவா்களின் எண்ணிக்கை நாளுக்கு நாள் அதிகரித்து வரும் நிலையில், மாநில அரசுகளின் இந்த நடவடிக்கை எங்களிடையே மிகுந்த அச்சத்தை ஏற்படுத்தியிருக்கிறது. எனவே, செய்முறைத் தோ்வுகள் அல்லது பல்கலைக்கழக ஆய்வுகள் நடைபெறும் நாள்களில் மட்டும் பணிக்கு வரும் வகையிலும், மற்ற நாள்களில் ஆசிரியா்கள் வரத் தேவையில்லை என்றும் அறிவிக்க வேண்டும்’ என்றாா் அவா்.