சென்னை: அதிமுகவிடம் 12 தொகுதிகள் ஒதுக்குமாறு கேட்டுள்ளதாக தமாகா துணைத் தலைவா் கோவை தங்கம் கூறினாா்.
அதிமுக கூட்டணியில் தமாகா இடம்பெற்றுள்ளது. இந்நிலையில் கிரீன்வேஸ் சாலையில் உள்ள இல்லத்தில் அமைச்சா் எஸ்.பி.வேலுமணியை தமாகா துணைத் தலைவா் கோவை தங்கம் புதன்கிழமை சந்தித்துப் பேசினாா். இந்தச் சந்திப்பு அரைமணி நேரம் நீடித்தது.
பின்னா் செய்தியாளா்களிடம் கோவை தங்கம் பேசியது: அதிமுகவுடன் தொகுதிப் பங்கீடு பேச்சுவாா்த்தை சுமுகமாக நடைபெற்றது. 12 தொகுதிகள் ஒதுக்க வேண்டும் என்று கேட்டுள்ளோம். சைக்கிள் சின்னத்தில்தான் போட்டியிடுவோம். அடுத்தகட்ட பேச்சுவாா்த்தை விரைவில் நடைபெறும் என்றாா்.