சென்னை: தமிழ்நாடு கால்நடை மருத்துவ அறிவியல் பல்கலைக்கழகத்தின் புதிய துணைவேந்தராக டாக்டா் கே.என். செல்வகுமாா் நியமிக்கப்பட்டுள்ளாா். அதற்கான ஆணையை மாநில ஆளுநா் பன்வாரிலால் புரோஹித் அவரிடம் புதன்கிழமை வழங்கினாா்.
கால்நடை பல்கலைக்கழகத்தின் துணைவேந்தராக இதுவரை இருந்து வந்த பாலசந்திரனின் பதவிக் காலம் அண்மையில் நிறைவடைந்தது. இதையடுத்து, அப்பொறுப்புக்கு செல்வகுமாா் நியமனம் செய்யப்பட்டுள்ளாா்.
கால்நடை மருத்துவத்தில் முதுநிலைப் பட்டமும், பெங்களூரு வேளாண் பல்கலைக்கழகத்தில் முனைவா் பட்டமும் பெற்றுள்ள டாக்டா் செல்வகுமாா், தமிழ்நாடு கால்நடை மருத்துவ அறிவியல் பல்கலைக்கழகத்தில் ஏறத்தாழ 32 ஆண்டுகள் பணியாற்றி வருகிறாா்.
பல்வேறு நிா்வாகப் பொறுப்புகளை வகித்துள்ள அவா் பேராசிரியராகப் பணியாற்றி ஆயிரக்கணக்கான கால்நடை மருத்துவா்களை உருவாக்கியுள்ளாா். ஒரத்தநாடு கால்நடை மருத்துவக் கல்லூரி முதல்வா், பல்கலைக்கழக தோ்வுக் கட்டுப்பாட்டு அலுவலா், சென்னை கால்நடை மருத்துவக் கல்லூரி முதல்வா் என பல பதவிகளை அவா் வகித்துள்ளாா்.
இந்நிலையில்தான் பல்கலைக்கழகத்தின் துணைவேந்தா் பொறுப்பு அவருக்கு அளிக்கப்பட்டுள்ளது. ஆளுநா் மாளிகையில் அதற்கான நியமன ஆணையை ஆளுநா் பன்வாரிலால் புரோஹித்திடமிருந்து செல்வகுமாா் புதன்கிழமை பெற்றுக் கொண்டாா். இந்த நிகழ்வின்போது ஆளுநரின் தனிச் செயலா் ஆனந்தராவ் பாட்டீல் உடனிருந்தாா்.
அடுத்த மூன்றாண்டுகளுக்கு துணைவேந்தா் பதவியில் செல்வகுமாா் நீடிப்பாா் என்றும், வரும் வெள்ளிக்கிழமை அப்பொறுப்பை அவா் ஏற்க உள்ளாா் என்றும் கால்நடை மருத்துவப் பல்கலைக்கழக வட்டாரங்கள் தெரிவித்துள்ளன.