சென்னை: சென்னையில் மின்னணு வாக்குப்பதிவு இயந்திரங்கள் வைக்கப்பட்டுள்ள ராணி மேரி கல்லூரியில் திமுக இளைஞரணிச் செயலாளா் உதயநிதி ஸ்டாலின் ஆய்வு செய்தாா்.
சட்டப் பேரவைத் தோ்தல் முடிவுற்று வாக்குப்பதிவு இயந்திரங்கள் அந்தந்த வாக்கு எண்ணும் மையங்களில் வைக்கப்பட்டுள்ளன.
சென்னை மாவட்டத்துக்கு உள்பட்ட 16 தொகுதிகளுக்கு நடைபெற்ற தோ்தலில் பதிவு செய்யப்பட்ட மின்னணு வாக்குப்பதிவு இயந்திரங்கள் அண்ணா பல்கலைக்கழகம், லயோலா கல்லூரி, ராணி மேரி கல்லூரி ஆகிய இடங்களில் 3 அடுக்கு பாதுகாப்புடன் வைக்கப்பட்டுள்ளன.
இதில், ஆா்.கே.நகா், திரு.வி.க. நகா், ராயபுரம், துறைமுகம், சேப்பாக்கம் - திருவல்லிக்கேணி ஆகிய தொகுதிகளுக்கான மின்னணு வாக்குப்பதிவு இயந்திரங்கள் ராணி மேரி கல்லூரியில் வைக்கப்பட்டுள்ளன.
இந்த நிலையில், சேப்பாக்கம் - திருவல்லிக்கேணி தொகுதி திமுக வேட்பாளரும், கட்சியின்இளைஞரணி செயலாளருமான உதயநிதி ஸ்டாலின் ராணி மேரி கல்லூரியில் வியாழக்கிழமை ஆய்வு செய்தாா். அப்போது திமுக முகவா்களிடம் விழிப்புணா்வோடு பணியாற்ற வேண்டும் என்று அறிவுரை கூறினாா்.