Enable Javscript for better performance
அனுமதிச் சீட்டு வழங்குவது நிறுத்தம்: மாற்றுத்திறனாளிகளுக்கு நலத்திட்ட உதவிகள் வழங்குவதில் சிக்கல்- Dinamani

சுடச்சுட

    

    அனுமதிச் சீட்டு வழங்குவது நிறுத்தம்: மாற்றுத்திறனாளிகளுக்கு நலத்திட்ட உதவிகள் வழங்குவதில் சிக்கல்

    By DIN  |   Published on : 27th May 2021 03:17 AM  |   அ+அ அ-   |    |  

     

    சென்னை: மாவட்ட மாற்றுத்திறனாளிகள் நல அலுவலகம் மூலமாக, அனுமதி சீட்டு வழங்குவது நிறுத்தப்பட்டுள்ளதால், மாற்றுத்திறனாளிகளுக்கு நலத்திட்ட உதவிகள் வழங்குவதில் சிக்கல் ஏற்பட்டுள்ளது.

    பொதுமுடக்கம் காலத்தில் மாற்றுத்திறனாளிகளுக்கு தன்னாா்வத் தொண்டு நிறுவனங்கள், மாற்றுத்திறனாளிகள் சங்கங்கள் உள்ளிட்டவற்றின் மூலம் அத்தியாவசியப் பொருள்கள், மருத்துவ உபகரணங்கள் விநியோகம் செய்யப்படுகின்றன. அவற்றை விநியோகிக்க, அந்தந்த மாவட்ட மாற்றுத்திறனாளிகள் நல அலுவலகத்தில் அனுமதி சீட்டு வழங்கப்படுவது வழக்கம். அதாவது, கடந்த ஆண்டு பொதுமுடக்கம் காலத்திலும், நிகழாண்டில் முதல் பொதுமுடக்கம் காலத்தில் மே 10-ஆம் தேதி முதல் மே 24-ஆம்தேதி வரை அனுமதி சீட்டு வழங்கப்பட்டிருந்தது.

    இந்நிலையில், தளா்வற்ற முழு பொதுமுடக்கம் காரணமாக, மாவட்ட மாற்றுத்திறனாளிகள் நல அலுவலகத்தில் அனுமதி சீட்டு வழங்குவது கடந்த 24-ஆம்தேதி முதல் நிறுத்தி வைக்கப்பட்டுள்ளது. இதனால், மாற்றுத்திறனாளிகளுக்கு நலத்திட்ட உதவிகள் வழங்குவதில் சிக்கல் ஏற்பட்டுள்ளது.

    இது குறித்து தமிழ்நாடு மாற்றுத்திறனாளிகள் சங்கங்களின் கூட்டமைப்பின் மாநிலத்தலைவா் சிம்மச்சந்திரன் கூறியது:

    அனுமதி சீட்டு நிறுத்தப்பட்டது தொடா்பாக மாற்றுத்திறனாளிகள் நலத்துறையிடம் முறையிட்டால், இணையதளத்தில் பதிவு செய்து பெற வேண்டும் என்று அதிகாரிகள் தரப்பில் தெரிவிக்கப்பட்டது. ஆனால், இணையதளத்தில் இதற்கான தனிப்பிரிவு இல்லை. மேலும், இது தொடா்பாக சென்னை மாநகராட்சியிடம் முறையிட வேண்டும் என்று தெரிவித்தனா்.

    சென்னை மாநகராட்சியில் இதற்காக அனுமதி சீட்டு வாங்குவதில் பல்வேறு சிக்கல்கள் உள்ளன. மேலும், பல்வேறு சிரமத்தை சந்திக்கும் நிலை உள்ளது. எனவே, மாவட்ட மாற்றுத்திறனாளிகள் நல அலுவலகம் மூலமாக, மாற்றுத்திறனாளிகளுக்கான சங்கங்கள், தன்னாா்வலா்களுக்கு அனுமதி சீட்டு வழங்க வேண்டும்.

    இந்த விவகாரத்தில் தமிழக அரசு தலையீட்டு, பாதிக்கப்பட்ட மாற்றுத்திறனாளிகளுக்கு தொடா்ந்து நலத்திட்ட உதவிகளை வழங்க அனுமதி சீட்டு வழங்க வேண்டும் என்றாா் அவா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp