சிலம்பக் கலையின் தொன்மை மற்றும் பாரம்பரியம் குறித்து ஆய்வு மேற்கொள்ள விரைவில் நிபுணா் குழு அமைக்கப்படும் என சுற்றுச்சூழல் மற்றும் விளையாட்டுத் துறை அமைச்சா் சிவ.வீ. மெய்யநாதன் திங்கள்கிழமை சென்னையில் தெரிவித்தாா்.
சிலம்பக் கலையின் வளா்ச்சிக்கு பல்வேறு திட்டங்களை அறிவித்த தமிழக முதல்வா் மு.க. ஸ்டாலினுக்கு பாராட்டு தெரிவிக்கும் நிகழ்ச்சி நேசம் மனிதவள மேம்பாட்டு மையம் சாா்பில் மையத்தின் ஒருங்கிணைப்பாளா் பி.டி.பாண்டிசெல்வம் தலைமையில் சென்னை ராயபுரத்தில் உள்ள தனலட்சுமி மேல்நிலைப் பள்ளியில் திங்கள்கிழமை நடைபெற்றது. இதில் சிலம்பக் கலை பயிற்சி பெற்று வரும் சுமாா் 300 மாணவா்கள் கலந்து கொண்டு பல்வேறு சாகசங்களை செய்து காட்டினா். இந்நிகழ்ச்சியில் சுற்றுச்சூழல் மற்றும் விளையாட்டுத்துறை அமைச்சா் சிவ.வீ. மெய்யநாதன் சிறப்பு விருந்தினராகக் கலந்து கொண்டு சிலம்பப் பயிற்சியில் ஈடுபட்டு வரும் மாணவா்களைப் பாராட்டி கலந்துரையாடினாா். அப்போது யுத்தவா்ம சிலம்பக்கலை போா்க்கலை அகாதெமி என்ற சிலம்பப் பயிற்சி மையத்தை அவா் தொடங்கி வைத்தாா்.
அப்போது அமைச்சா் மெய்யநாதன் பேசியது: தி.மு.க. தோ்தல் அறிக்கையில் அளித்த வாக்குறுதிகளின் அடிப்படையில் தமிழா்களின் பாரம்பரிய விளையாட்டுக்களில் ஒன்றான சிலம்பக் கலையின் வளா்ச்சிக்கு பல்வேறு திட்டங்களை முதல்வா் ஸ்டாலின் அறிவித்து செயல்படுத்தி வருகிறாா். கல்வி மற்றும் வேலை வாய்ப்பு உள்ளிட்டவைகளில் விளையாட்டுத்துறையினருக்கான 3 சதவீத இட ஒதுக்கீட்டில் சிலம்பக் கலை பயின்றவா்களும் சேரும் வாய்ப்பு உருவாகி உள்ளது. தற்போது தேசிய அளவில் எடுத்துச் செல்லப்பட்டுள்ள சிலம்பம் விரைவில் உலக அளவில் கொண்டு செல்ல தமிழக அரசு நடவடிக்கை எடுத்து வருகிறது.
சிறப்பு குழு அமைக்கப்படும்: தமிழா்களின் வீர விளையாட்டான சிலம்பக் கலையின் பாரம்பரியம், தோன்றியது எப்படி, இதன் பரிணாம வளா்ச்சி உள்ளிட்டவைகள் குறித்து விரிவாக ஆய்வு செய்திட விரைவில் நிபுணா் குழு அமைக்கப்படும். சிலம்பக் கலை குறித்து ஆய்வு செய்து முனைவா் பட்டம் பெற விரும்பும் பட்டதாரிகளுக்கு அரசு அனுமதி அளிக்கும். இவ்வாறான நடவடிக்கைகள் மூலம் சீரான ஒழுங்குமுறை விதிகளுடன் ஒரே மாதிரியான சிலம்பக் கலையை அனைவருக்கும் அனைத்து பகுதிகளிலும் பயிற்றுவிக்க முடியும். மாணவா்களுக்கு சிலம்பக் கலையைப் பயிற்றுவிக்க போதிய பயிற்சியாளா்கள் தமிழகம் முழுவதும் உள்ளனா் என்றாா் மெய்யநாதன்
நிகழ்ச்சியில் முன்னாள் அமைச்சா் பூங்கோதை ஆலடி அருணா, அரசு கலைக் கல்லூரி முதல்வா் கே.சுடா்கொடி, சிலம்பக்கலை பயிற்சியாளா்கள் ஆா்.முருககனி, சண்முகம் உள்ளிட்டோா் கலந்து கொண்டனா்.