தலைமை தகவல் ஆணையா், 4 தகவல் ஆணையா்களின் பதவிக்கு விண்ணப்பிக்க கால அவகாசம் நீட்டிக்கப்பட்டுள்ளது. முன்னதாக, காலியாக உள்ள இந்தப் பதவிகளுக்கு விண்ணப்பிக்க நவம்பா் 23-ஆம் தேதி கடைசி என அறிவிக்கப்பட்டிருந்தது.
காலக்கெடு முடிவடைந்த நிலையில், மேலும் அதை நீட்டித்து டிசம்பா் 3-ஆம் தேதி வரை விண்ணப்பிக்கலாம் என தமிழக அரசு அறிவித்துள்ளது. இதற்கான உரிய விவரங்கள் தமிழக அரசின் இணையதளத்தில் (www.tn.gov.in/whatsNew) வெளியிடப்பட்டுள்ளது.