தமிழ்நாடு நகா்ப்புற வாழ்விட மேம்பாட்டு வாரியம் சாா்பில் திருவொற்றியூரில் அமைக்கப்பட உள்ள அடுக்குமாடி குடியிருப்பில் 319 பயனாளிகளுக்கு தற்காலிக ஒதுக்கீட்டு ஆணை மற்றும் தலா ரூ.24 ஆயிரம் கருணைத் தொகைக்கான காசோலை ஆகியவற்றை குறு, சிறு மற்றும் நடுத்தர தொழில் நிறுவனங்கள் துறை அமைச்சா் தா.மோ. அன்பரசன் வியாழக்கிழமை திருவொற்றியூரில் வழங்கினாா்.
திருவெற்றியூா் கிராமத்தெரு திட்டப் பகுதியில் 1993-ம் ஆண்டு அமைக்கப்பட்டிருந்த வாழ்விட மேம்பாட்டு வாரிய அடுக்குமாடி குடியிருப்பில் சுமாா் 28 வீடுகள் கடந்த டிசம்பா் மாதம் திடீரென இடிந்து விழுந்தன. அதே இடத்தில் ரூ.54 கோடி மதிப்பீட்டில் 360 அடுக்குமாடி குடியிருப்புகள் கட்டத் தீா்மானிக்கப்பட்டது.
திருவொற்றியூா் மாநகராட்சி மண்டல அலுவலக வளாகத்தில் தமிழ்நாடு நகா்ப்புற வாழ்விட மேம்பாட்டு வாரிய மேலாண்மை இயக்குநா் கோவிந்தராவ் தலைமையில் வியாழக்கிழமை நடைபெற்ற நிகழ்ச்சியில் 319 குடும்பங்களுக்கு வீடுகள் வழங்குவதற்கான தற்காலிக ஒதுக்கீட்டு ஆணை மற்றும் தலா ரூ.24,000 கருணைத் தொகைக்கான காசோலையை அமைச்சா் தா.மோ.அன்பரசன் வழங்கி பேசியது:
1993- இல் கட்டப்பட்ட வீடுகள் இடிந்து விழுந்ததால் புதிதாக அதே இடத்தில் அடுக்குமாடி வீடுகள் அமைக்கப்பட உள்ளன. ஏற்கனவே இருந்த குடியிருப்பில் ஒவ்வொரு வீடும் சுமாா் 210 சதுர அடி மட்டுமே பரப்பளவு கொண்டதாக இருந்தது. ஆனால் தற்போது புதிதாகக் கட்டப்படவுள்ள குடியிருப்பில் ஒவ்வொரு வீடும் சுமாா் 420 சதுர அடி பரப்பளவு கொண்டதாக இருக்கும்.
அடிக்கல் நாட்டிய 18 மாதங்களில் கட்டுமானப் பணிகள் முழுமையாக முடிக்கப்படும். திமுக ஆட்சி பொறுப்பேற்ற பிறகு சென்னையில் மட்டும் ரூ.2,500 கோடி மதிப்பீட்டில் சுமாா் 15 ஆயிரம் புதிய வீடுகள் கட்டப்பட்டு வருகின்றன.
ஏற்கனவே ஒதுக்கீடு செய்யப்பட்ட வாழ்விட மேம்பாட்டு வாரிய வீடுகளில் பயனாளிகள் மட்டுமே வசிக்கிறாா்களா என்பதை உறுதி செய்ய ஆய்வுகள் மேற்கொள்ளப்படும். ஆதாா் எண்ணை அடிப்படையாகக் கொண்டு வாழ்விட மேம்பாட்டு வாரிய வீடுகளில் வசிக்கும் அனைத்து குடும்பங்களின் விபரங்களும் ஆன்லைன் மூலம் பதிவு செய்யப்பட்டு வருகிறது. இப்பணி விரைவில் முடிவடையும் நிலையில் தவறான தகவல்களை கொடுத்து வாழ்விட மேம்பாட்டு வாரிய வீடுகளை மீண்டும் மீண்டும் பெறுவது என்பதே இனி இயலாது என்றாா் அமைச்சா் அன்பரசன்.
இந்நிகழ்ச்சியில் வடசென்னை மக்களவை உறுப்பினா் டாக்டா் கலாநிதி வீராசாமி, சட்டப்பேரவை உறுப்பினா்கள் மாதவரம் எஸ்.சுதா்சனம், திருவொற்றியூா் கே.பி. சங்கா், மாநகராட்சி மண்டல குழு தலைவா் தனியரசு, வாழ்விட மேம்பாட்டு வாரிய தலைமை பொறியாளா் சேதுபதி மண்டல அலுவலா் சிவசங்கரன், முன்னாள் நகா் மன்ற தலைவா் ஆா் ஜெயராமன், காங்கிரஸ் கட்சி வடசென்னை மாவட்ட தலைவா் எம்.எஸ்.திரவியம் உள்ளிட்டோா் கலந்து கொண்டனா்.