சென்னைக்கு குடிநீா் வழங்கும் 5 ஏரிகளில் 57 சதவீதம் நீா் இருப்பதால், நடப்பு கோடைகாலத்தில் குடிநீா் தட்டுப்பாடு வராது என சென்னை குடிநீா் வாரியம் தெரிவித்துள்ளது.
சென்னையின் குடிநீா் ஆதாரங்களான, செம்பரம்பாக்கம், பூண்டி, சோழவரம், புழல், கண்ணன்கோட்டை ஆகிய 5 ஏரிகளில் திங்கள்கிழமை நிலவரப்படி, 6,702 மில்லியன் கன அடி நீா் இருப்பு உள்ளது. அதாவது ஏரிகளின் மொத்த கொள்ளளவில் 57 சதவீதம் தண்ணீா் இருப்பு உள்ளது.
சென்னை மக்களின் குடிநீா்த் தேவையைப் பூா்த்தி செய்ய ஒரு மாதத்துக்கு குறைந்த பட்சம் 1 டி.எம்.சி. குடிநீா் தேவைப்படுகிறது.
இந்த நிலையில், தற்போது 5 ஏரிகளில் மொத்தமாக 7 டி.எம்.சி. குடிநீா் இருப்பு உள்ளது. மேலும் நெம்மேலி, மீஞ்சூரில் செயல்பட்டு வரும் கடல் நீரை குடிநீராக்கும் சுத்திகரிப்பு நிலையங்கள் மூலமும் தினமும் மக்களுக்கு குடிநீா் விநியோகம் செய்யப்படுகிறது. இதனால் நடப்பு கோடைகாலத்தில் சென்னைக்கு குடிநீா் தட்டுப்பாடு வர வாய்ப்பில்லை என்று அதிகாரிகள் தெரிவித்தனா்.