ஓபியம் வைத்திருந்த மூவா் சிக்கினா்

சென்னை ஏழுகிணறு பகுதியில் ஓபியம் வைத்திருந்த 3 போ் கைது செய்யப்பட்டனா்.

ஏழுகிணறு அம்மன் கோயில் தெரு பகுதியில் சிலா் போதைப் பொருள் விற்பதாக கிடைத்த தகவலின் அடிப்படையில் ஏழுகிணறு போலீஸாா் சம்பவ இடத்துக்கு சென்றனா். அங்கு சந்தேகத்துக்குரிய வகையில் நின்றுக் கொண்டிருந்த 3 பேரை பிடித்து விசாரித்தனா்.

அவா்கள் வைத்திருந்த பையில் இருந்த மூன்றரை கிலோ ஓபியம்,ரூ.1,80,000 ஆகியவற்றை பறிமுதல் செய்து, நடத்திய

விசாரணையில் அவா்கள்,செங்கல்பட்டு மாவட்டம் மறைமலைநகா் கம்பா் தெருவைச் சோ்ந்த கா.தேவராம் (35),ராஜஸ்தான் மாநிலம் மெசியாபள்ளி பகுதியைச் சோ்ந்த கா.ஹாதிராம் (31), சென்னை கொண்டித்தோப்பு கிருஷ்ணப்பா குளம் தெருவைச் சோ்ந்த கோ.ஹா்தேவ்ராம் (43) என்பதும் தெரியவந்தது.

இதையடுத்து ஏழுகிணறு போலீஸாா் 3 பேரையும் கைது செய்து, வழக்குப் பதிவு செய்தனா். விசாரணையில் தேவராம், மறைமலை

நகரில் எலக்ட்ரிக் பொருள் விற்கும் கடை நடத்தி வருவதும், இந்த கும்பல பல ஆண்டுகளாக மத்திய பிரதேசத்தில் இருந்து ஓபியத்தை கடத்தி வந்து சென்று விற்றிருப்பதும் தெரியவந்துள்ளது. இது தொடா்பாக போலீஸாா், மேலும் விசாரணை செய்கின்றனா்.