பொன்னேரி காவல் நிலையத்தில் புகார் தெரிவிக்க செல்லிடப்பேசி எண்ணை காவல் உதவி கண்காணிப்பாளர் அறிவித்துள்ளார்.
பொன்னேரி நகரில் பெண்களை கேலி செய்வோர், வழிப்பறி செய்வோர், பொது மக்களை அச்சுறுத்தும் வகையில் நடந்து கொள்வோர் மீது பொன்னேரி காவல் நிலையத்தில் உள்ள தொலைபேசி எண்ணுக்கு பொதுமக்கள் புகார் தெரிவிப்பர். இது போன்று பொதுமக்கள் புகார் தெரிவித்தும், சில நேரங்களில் அதன் மீது எந்த நடவடிக்கையும் மேற்கொள்ளப்படுவதில்லை எனக் கூறப்படுகிறது.
இந்நிலையில் பொதுமக்கள் அவசர உதவிக்கு பொன்னேரி காவல் நிலையத்தை தொடர்பு கொள்ள 90259 56256 என்ற செல்லிடப்பேசி எண்ணை காவல் உதவி கண்காணிப்பாளர் பவன்குமார் ரெட்டி அறிவித்துள்ளார். இந்த அறிவிப்பை துண்டுப் பிரசுரங்களாக பொதுமக்களிடம் வழங்கி வருகிறார்.