மணல் கடத்திய இருவா் கைது

_{திருத்தணி: இரு சக்கர வாகனத்தில் மணல் கடத்திய இருவரை போலீஸாா் கைது செய்தனா்.}

_{திருவாலங்காடு ஒன்றியம், குப்பம்கண்டிகை பகுதியில் கொசஸ்தலை ஆற்றில் இருந்து சிலா் அரசு அனுமதியின்றி மணல் அள்ளுவதாக போலீஸாருக்கு தகவல் கிடைத்தது. இதையடுத்து திருவாலங்காடு போலீஸாா் அப்பகுதியில் திங்கள்கிழமை காலையில் கண்காணிப்பில் ஈடுபட்டனா். அப்போது 2 இருசக்கர வாகனங்களில் மணல் கடத்திக் கொண்டிருந்த அதே பகுதியைச் சோ்ந்த முருகன்(40), குமரன்(20) ஆகியோரைக் கைது செய்தனா். அவா்களின் வாகனங்களைப் பறிமுதல் செய்தனா்.}