கும்மிடிப்பூண்டியை அடுத்த நொச்சிக்குப்பம் உள்ளிட்ட பல்வேறு மீனவ கிராமங்களில் மீன்வளத் துறை அதிகாரிகள் நிவா் புயல் காரணமாக மீனவ கிராமங்களில் செய்யப்பட்டுள்ள முன்னெச்சரிக்கை நடவடிக்கைகள் குறித்து செவ்வாய்க்கிழமை ஆய்வு நடத்தினாா்.
கும்மிடிப்பூண்டி ஒன்றியத்தில் மிகப் பெரிய மீனவ கிராமமான நொச்சிக்குப்பத்தில் சுமாா் 4 ஆயிரம் மீனவா்கள் வசித்து வருகின்றனா்.
இந்நிலையில், நொச்சிக்குப்பம் உள்பட நிவா் புயலால் பாதிப்பு ஏற்பட வாய்ப்புள்ள மீனவ கிராமங்களில் செய்யப்பட்டுள்ள பாதுகாப்பு நடவடிக்கைகள் குறித்து மீன்வளத் துறை சாா்- ஆய்வாளா் எம்.விஜயலட்சுமி ஆய்வு மேற்கொண்டாா். நொச்சிக்குப்பம் வந்த அவரிடம் பேசிய மீனவ கூட்டுறவு சங்கத் தலைவா் கே.எஸ்.ஏ.தேசிங்கு, ‘இந்த கிராமத்தில் மீனவ சங்கத்தினா் எச்சரிக்கை தந்ததை தொடா்ந்து திங்கள்கிழமை மாலையே அனைத்து மீனவா்களும் வீடு திரும்பினா். அவா்கள் படகுகளை கரைகளில் கட்டி வைத்துள்ளனா். மீன்பிடி வலைகளும் கரையில் வைக்கப்பட்டுள்ளன’ என்றாா்.
தொடா்ந்து சாா் ஆய்வாளா், நொச்சிக்குப்பம் படகுத் துறைக்குச் சென்று மீனவா்களின் படகுகள் பாதுகாப்பாக உள்ளனவா? என ஆய்வு செய்தாா். படகுகளையும், வலைகளையும் பாதுகாப்பாக வைக்க வேண்டும் என அறிவுறுத்தினாா்.
இதையடுத்து மீன் வளத்துறை அதிகாரிகள் பாட்டைக்குப்பம், பெத்தானியகுப்பம், வெங்கடேசப் பெருமாள் நகா், சுண்ணாம்புக்குளம் பெரிய குப்பம், வல்லம்பேடு குப்பங்களில் படகுத் துறையை ஆய்வு செய்தனா்.