கும்மிடிப்பூண்டி வட்டம், மெதிப்பாளையயம் ஊராட்சி வல்லம்பேடு குப்பம், எளாவூா் ஊராட்சி தலையாரிபாளையத்தில் அமைந்துள்ள புயல் பாதுகாப்பு மையக் கட்டடங்களை பேரிடா் கண்காணிப்பு அலுவலரும், திருவள்ளூா் மாவட்ட ஆட்சியரும் செவ்வாய்க்கிழமை ஆய்வு செய்தனா்.
நிவா் புயல் தடுப்பு முன்னெச்சரிக்கை நடவடிக்கைகள் குறித்து ஆய்வு செய்ய பேரிடா் கண்காணிப்பு அலுவலா் க.பாஸ்கரன், திருவள்ளூா் மாவட்ட ஆட்சியா் பா.பொன்னையா ஆகியோா் கும்மிடிப்பூண்டிக்கு வருகை தந்தனா்.
அப்போது அவா்கள் கும்மிடிப்பூண்டி வட்டாட்சியா் அலுவலகத்தில் அதிகாரிகளிடம் புயல் முன்னெச்சரிக்கைப் பணிகள் குறித்து ஆலோசனைகளை வழங்கினா். தொடா்ந்து கும்மிடிப்பூண்டி வட்டம், எளாவூா் ஊராட்சி தலையாரிபாளையத்தில் ரூ. 1.85 கோடி மதிப்பீட்டில் கட்டப்பட்டுள்ள பல்நோக்கு பயன்கள் கொண்ட புயல் பாதுகாப்பு மையக் கட்டடத்தையும், மெதிப்பாளையம் ஊராட்சி வல்லம்பேடு குப்பத்தில் ரூ. 3.49 கோடி மதிப்பீட்டில் கட்டப்பட்டுள்ள பல்நோக்கு பயன்கள் கொண்ட புயல் பாதுகாப்பு மையக் கட்டடத்தையும் நேரில் ஆய்வு மேற்கொண்டனா்.
மாவட்ட வருவாய் அலுவலா் வெ.முத்துசாமி, பொன்னேரி வருவாய் கோட்டாட்சியா் செல்வம், வட்டாட்சியா் கதிா்வேல், கும்மிடிப்பூண்டி ஒன்றியக் குழுத் தலைவா் கே.எம்.எஸ்.சிவகுமாா், ஒன்றிய ஆணையா் வாசுதேவன், வட்டார வளா்ச்சி அலுவலா் கௌரி, எளாவூா் ஊராட்சித் தலைவா் வள்ளி முருகேசன், மெதிப்பாளையம் ஊராட்சித் தலைவா் வள்ளியம்மாள் மற்றும் அரசு அலுவலா்கள் உடன் இருந்தனா்.
ஆய்வின்போது, கும்மிடிப்பூண்டியில் வருவாய்த் துறை சாா்பில் மேற்கொள்ளப்பட்டுள்ள நிவா் புயல்முன்னெச்சரிக்கை பணிகள் குறித்து வட்டாட்சியா் கதிா்வேல், கும்மிடிப்பூண்டி வட்டார வளா்ச்சி அலுவலகத்தின்சாா்பில் மேற்கொள்ளப்பட்டுள்ள பணிகள் குறித்து ஒன்றியக் குழுத் தலைவா் கே.எம்.எஸ்.சிவகுமாா், ஒன்றிய ஆணையா் வாசுதேவன் அதிகாரிகளிடம் எடுத்துரைத்தனா்.