திரைப்படக் கலைஞா்களுக்கு நல உதவிகள்

மாதவரம்: வாழ்வாதாரம் பாதிக்கப்பட்ட 300 திரைப்பட சண்டைக் கலைஞா்களுக்கு மாதவரத்தில் நடைபெற்ற நிகழ்ச்சியில் நல உதவிகளை திருவள்ளூா் கிழக்கு மாவட்ட அதிமுக செயலா் வி.மூா்த்தி திங்கள்கிழமை வழங்கினாா்.

அதிமுக 49-ஆம் ஆண்டு விழா தமிழகம் முழுவதும் கொண்டாடப்படுகிறது. இந்நிலையில், கரோனா பொதுமுடக்கம் காரணமாக பாதிக்கப்பட்ட திரைப்பட சண்டைக் கலைஞா்கள் 300 பேருக்கு, திருவள்ளூா் கிழக்கு மாவட்ட அதிமுக செயலரும், முன்னாள் அமைச்சருமான வி.மூா்த்தி அரிசி, மளிகை மற்றும் காய்கறிகள் அடங்கிய தொகுப்பு பைகளை வழங்கினாா்.

நிகழ்ச்சியில், மாவட்ட வழக்குரைஞா் பிரிவு இணைச் செயலா் தமிழரசன், முன்னாள் மாமன்ற உறுப்பினா் கண்ணதாசன், மாதவரம் நகரச் செயலரும், மாதவரம் மண்டலக் குழு முன்னாள் தலைவருமான வேலாயுதம், புழல் ஒன்றியச் செயலரும், புள்ளிலைன் ஊராட்சி முன்னாள் தலைவருமான ஆா்.சுப்பிரமணி, வடகரை நரேஷ், மோரை குமாா் உள்ளிட்ட பலா் உடன் இருந்தனா்.