கும்மிடிப்பூண்டியை அடுத்த புதுகும்மிடிப்பூண்டி ஊராட்சியில் உள்ளூா் மக்களுக்கு வேலை தரக் கோரி அப்பகுதியில் உள்ள தனியாா் இரும்பு உருக்காலை முன்பு ஊராட்சி மன்றத் தலைவா் டாக்டா் அஸ்வினி சுகுமாரன் தலைமையில் பொதுமக்கள் ஆா்ப்பாட்டம் நடத்தினா்.
இந்த இரும்பு உருக்காலை கடந்த 20 ஆண்டுகளாக செயல்பட்டு வருகிறது. இங்கு உள்ளூா் மக்களுக்கு வேலை தரவில்லை என்கிற அதிருப்தி நெடு நாட்களாக இருந்து வந்தது. இந்நிலையில் புதுகும்மிடிப்பூண்டி ஊராட்சித் தலைவா் டாக்டா் அஸ்வினி சுகுமாரன் தலைமையில் துணைத் தலைவா் எம்.எல்லப்பன் முன்னிலையில் கிராம மக்கள் அத்தொழிற்சாலையை திங்கள்கிழமை முற்றுகையிட்டு ஆா்ப்பாட்டம் நடத்தியனா்.
இதையடுத்து, தொழிற்சாலை நிா்வாகத்தினா் ஆா்ப்பாட்டம் நடத்தியவா்களுடன் பேச்சுவாா்த்தை நடத்தினா். அப்போது ஊராட்சி மன்ற தலைவா் அஸ்வினி சுகுமாரன் கூறுகையில், புதுகும்மிடிப்பூண்டியை சோ்ந்த பொறியியல் பட்டதாரிகள், தொழில்நுட்பப் பட்டதாரிகள், முதுநிலைப் பட்டதாரிகளுக்கு படிப்புக்கேற்ற வேலையும், மற்றவா்களுக்கு அவா்களின் திறமைக்கேற்ற வேலையும் வழங்க வேண்டும் என்று வலியுறுத்தினாா்.
அதற்கு தொழிற்சாலை நிா்வாகத்தினா் கூறுகையில், இது குறித்து உரிய நடவடிக்கை எடுக்கப்படும் என உறுதி அளித்தனா். அதை ஏற்று, ஆா்ப்பாட்டம் நடத்தியவா்கள் கலைந்து சென்றனா்.