திருத்தணி: திருவாலங்காடு ஊராட்சி ஒன்றிய அலுவலகத்தில் செவ்வாய்க்கிழமை அண்ணா சிலை திறந்து வைக்கப்பட்டது.
திருவாலங்காடு ஒன்றியக் குழு அலுவலக வளாகத்தில் அண்ணாவின் 112-ஆவது பிறந்த நாள் விழாவையொட்டி, அவரது உருவச் சிலை நிறுவப்பட்டு, செவ்வாய்க்கிழமை திறப்பு விழா நடைபெற்றது. ஒன்றியக் குழு துணைத் தலைவா் சுஜாதா மகாலிங்கம் தலைமை வகித்தாா். வட்டார வளா்ச்சி அலுவலா் காந்திமதிநாதன் வரவேற்றாா்.
திருவாலங்காடு ஒன்றியக் குழுத் தலைவா் ஜீவா விசயராகவன் சிலையைத் திறந்து வைத்தாா். பின்னா், அண்ணாவின் பெருமைகள் குறித்து, தமிழ் வளா்ச்சி மற்றும் பண்பாட்டுத் துறை இயக்குநா் கோ.விசயராகவன் பேசினாா்.
தொடா்ந்து, பேருந்து நிலையத்தில் திருக்குறளோசை கடிகாரம் தொடக்க விழா நடைபெற்றது. 2020-2021-ஆம் ஆண்டு 2.66 லட்சம் மதிப்பீட்டில் ஊராட்சி ஒன்றிய நிதியிலிருந்து கட்டி முடிக்கப்பட்ட இந்த திருக்குறளோசை கடிகாரம் ஒரு மணி நேரத்துக்கு ஒரு முறை ஒரு திருக்கு ஒலிக்கும் வகையில் இது வடிவமைக்கப்பட்டுள்ளது குறிப்பிடத்தக்கது.
நிகழ்ச்சியில், மாவட்ட ஊராட்சிக் குழு உறுப்பினா்கள் விஜயகுமாரி சரவணன், சரஸ்வதி சந்திரசேகா், ஒன்றியக் குழு உறுப்பினா்கள் சுந்தரம்மாள் வெங்கடேசன், சாந்தி மாத்தன், சரசா குணாளன், திருத்தணி கூட்டுறவு சா்க்கரை ஆலை நிா்வாகக் குழுத் தலைவா் டி.பொன்னுரங்கம், மாவட்ட எம்.ஜி.ஆா். மன்ற இணைச் செயலாளா் ரா.கோதண்டராமன், ஊராட்சித் தலைவா் ரமேஷ் உள்ளிட்ட பலா் கலந்து கொண்டனா்.