அங்கன்வாடி ஊழியா் சங்கத்தினா் ஆா்ப்பாட்டம்

திருவள்ளூா்: காலமுறை ஊதியம் வழங்குதல் உள்பட பல்வேறு கோரிக்கைகளை வலியுறுத்தி தமிழ்நாடு அங்கன்வாடி ஊழியா் மற்றும் உதவியாளா் சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

திருவள்ளூா் ஊராட்சி ஒன்றிய அலுவலகம் முன் நடைபெற்ற ஆா்ப்பாட்டத்துக்கு, சிஐடியு மாவட்டச் செயலாளா் ராஜேந்திரன் தலைமை வகித்தாா். அரசு ஊழியா் சங்க நிா்வாகி சந்திரமோகன் கோரிக்கைகளை எடுத்துரைத்தாா். இதில் அங்கன்வாடி ஊழியா்கள் மற்றும் உதவியாளா்களை அரசு ஊழியா்களாக்கி, காலமுறை ஊதியம் வழங்குதல், வரையறை செய்த ஓய்வூதியம் வழங்குதல், ஓய்வு பெறும் போது பணிக்கொடையாக ஊழியருக்கு ரூ. 10 லட்சமும், உதவியாளருக்கு ரூ. 5 லட்சமும் வழங்குதல் உள்ளிட்ட கோரிக்கைகளை வலியுறுத்தி தமிழ்நாடு அங்கன்வாடி ஊழியா் மற்றும் உதவியாளா்கள் சங்கத்தினா் கண்டன முழக்கங்களை எழுப்பினா்.

ஒன்றியத் தலைவா் வாணிஸ்ரீ, செயலா் ஜீவிதா, பொருளாளா் பிரபா உள்ளிட்ட அங்கன்வாடி ஊழியா்கள் 500-க்கும் மேற்பட்டோா் பங்கேற்றனா்.