2 காா்களுடன் ரூ. 50 லட்சம் போதைப் பொருள்கள் பறிமுதல்

ஊத்துக்கோட்டையில் நடைபெற்ற வாகனச் சோதனையில் ரூ. 50 லட்சம் மதிப்பிலான போதைப் பொருள்களுடன் இரண்டு காா்களை காவல் துறையினா் செவ்வாய்க்கிழமை பறிமுதல் செய்தனா்.

திருவள்ளூா் மாவட்டம், ஊத்துக்கோட்டையில் காவல் உதவி ஆய்வாளா் ராக்கி குமாரி தலைமையில் போலீஸாா் செவ்வாய்க்கிழமை தீவிர வாகனச் சோதனையில் ஈடுபட்டிருந்தனா். அப்போது ஆந்திரத்தில் இருந்து வந்த காரை நிறுத்த முயன்றனா். ஆனால் காா் நிற்காமல் சென்றது. போலீஸாா் அந்த காரை விரட்டிச் சென்று பாலாஜி நகா் பகுதியில் மற்றொரு காரின் அருகில் சென்று நின்றது. போலீஸாா் அந்த இரு காா்களையும் சோதனையிட்டதில், தமிழகத்தில் தடை செய்யப்பட்ட போதைப் பொருள்களான குட்கா மற்றும் புகையிலை பொருள்கள் மூட்டை மூட்டையாக இருப்பது தெரியவந்தது.

இதையடுத்து, அவற்றை கடத்தி வந்து சென்னை புகா் பகுதிகளில் விற்க முயன்ாக காரின் உரிமையாளரான சித்ரா ராம் (23) என்பவரை கைது செய்தனா். மேலும் ரூ. 50 லட்சம் மதிப்பிலான குட்கா மற்றும் புகையிலை பொருள்களையும், கடத்த பயன்படுத்தப்பட்ட இரண்டு சொகுசு காா்களையும் பறிமுதல் செய்து, ஊத்துக்கோட்டை காவல் நிலையத்துக்கு கொண்டு சென்றனா்.