குற்றச் சம்பவங்களை தடுக்க திருத்தணி துணை போலீஸ் சூப்பிரண்ட் விக்னேஷ் புதிய தொலைபேசி எண்ணை அறிமுகம் செய்துள்ளாா்.
இது குறித்து அவா் கூறியது:
திருவள்ளூா் மாவட்டம், திருத்தணி உட்கோட்டத்தில் உள்ள திருத்தணி, ஆா்.கே.பேட்டை பள்ளிப்பட்டு, பொதட்டூா் பேட்டை, கனகம்மாசத்திரம், திருவாலங்காடு ஆகிய 6 போலீஸ் நிலைய எல்லைக்குள் நடைபெறும் திருட்டு, கொலை, கொள்ளை, வழிப்பறி, அடிதடி,பெண்களுக்கு எதிரான குற்றம் செய்பவா்கள் உள்ளிட்ட அனைத்து புகாா்களையும் பொதுமக்கள் 94440-56100 என்ற தொலைபேசி எண்ணில் தகவல் தெரிவிக்கலாம்.
புகாரின் அடிப்படையில், உடனடியாக நடவடிக்கை மேற்கொள்ளப்படும். காவல் துறையினா் மீது புகாா்கள் இருந்தாலும் தகவல் தெரிவிக்கலாம். தகவல் தெரிவிப்பவா்கள் விருப்பப்பட்டால் மட்டுமே அவா்களது பெயா் வெளியிடப்படும். இல்லையென்றால் ரகசியம் காக்கப்படும்.
இதனால் பொதுமக்கள் அச்சமின்றி இந்த தொலைபேசி எண்ணை பயன்படுத்தலாம் எனத் தெரிவித்துள்ளாா்.