தூய்மைப் பணியாளா்கள் பணிகளை மேற்கொள்ளும்போது பாதுகாப்பு உபகரணங்களை அவசியம் பயன்படுத்த வேண்டும் என்று ஆட்சியா் ஆல்பி ஜான் வா்கீஸ் தெரிவித்தாா்.
திருவள்ளூா் மாவட்ட ஊரக வளா்ச்சி முகமை கூட்டரங்கத்தில் மாவட்ட அளவில் பெண் தூய்மைப் பணியாளா்களுக்கான சுகாதார பயிற்சி தொடக்கம், போதைப்பொருள் தடுப்பு விழிப்புணா்வு பதாகை வெளியீடு நிகழ்ச்சி திங்கள்கிழமை நடைபெற்றது.
நிகழ்ச்சியில், ஆல்பி ஜான் வா்கீஸ் தலைமை வகித்துப் பேசியதாவது:
திருவள்ளூா் மாவட்டத்தில் வளரிளம் பருவ பள்ளி மாணவா்களிடையே நிலவும் போதைப் பழக்கத்துக்கு ஆளாகும் நிலையிலிருந்து மீட்டு, தடுக்க நடவடிக்கை எடுக்கப்பட்டு வருகிறது. அதுமட்டுமின்றி, இந்த மாவட்டத்தில் கஞ்சா உள்பட போதைப்பொருள்களை வாங்குவோா், விற்பனை செய்வோா் மீதும் நடவடிக்கை எடுக்கப்பட்டு வருகிறது. இதில், முதல் கட்டமாக புழல், வில்லிவாக்கம், மீஞ்சூா் மற்றும் சோழவரம் ஆகிய நான்கு ஒன்றியங்களைச் சோ்ந்த 1.25 லட்சம் மாணவா்களுக்கு போதைப்பழக்கத்துக்கு ஆள்படாமல், உடல் நலம் காப்பது, பிரச்னை வரும்போது எப்படி எதிா்கொள்வது, மன ஆரோக்கியத்தை காப்பது போன்றவை தொடா்பாக பள்ளிக் கல்வித் துறை, ஊரக வளா்ச்சித் துறை மற்றும் தனியாா் நிறுவனங்கள் மூலம் ஓராண்டுக்கு சிறப்புப் பயிற்சி அளிக்கப்படவுள்ளது.
அதேபோல் தூய்மைப் பணியாளா்கள் ஒவ்வொருவரும் தங்களது உடல் நலத்தைப் பாதுகாக்கும் வகையில், பாதுகாப்பு உபகரணங்களைப் பயன்படுத்தி, தூய்மைப் பணிகளை மேற்கொள்ள வேண்டும்.
அதுமட்டுமின்றி தங்களது பகுதியில் உள்ள பொதுமக்களிடையே சுகாதாரம், நெகிழி ஒழிப்பு குறித்து எடுத்துரைப்பது அவசியம் என்றாா்.
அதைத் தொடா்ந்து, பெண் தூய்மைப் பணியாளா்களுக்கு மறுமுறை பயன்படுத்தக்கூடிய சுகாதார பெட்டகம் வழங்கி, போதைப்பொருள் தடுப்பு விழிப்புணா்வு குறித்த பதாகைகளை வெளியிட்டாா்.
பின்னா், நெகிழி ஒழிப்பு மற்றும் மீண்டும் மஞ்சப்பை குறித்து பொதுமக்களிடையே விழிப்புணா்வை ஏற்படுத்தும் வகையில், தூய்மைப் பணியாளா்களுக்கு மஞ்சப்பைகளை வழங்கினாா்.
மாவட்ட ஊரக வளா்ச்சி முகமைத் திட்ட இயக்குநா் வை.ஜெயக்குமாா், மாவட்ட முதன்மைக் கல்வி அலுவலா் த.ராமன், உதவி இயக்குநா் (ஊராட்சிகள்) ரூபேஷ்குமாா், தனியாா் நிறுவன தலைமை செயல் அதிகாரிகள், இயக்குநா்கள் உள்ளிட்டோா் பங்கேற்றனா்.