திருவள்ளூா் அருகே வாகன உதிரி பாகங்கள் தயாா் செய்யும் தொழிற்சாலையில் பணம் கேட்டு கொலை மிரட்டல் விடுத்ததாக ஊராட்சி தலைவரின் மகனை மப்பேடு போலீஸாா் கைது செய்தனா்.
திருவள்ளூா் அருகே கடம்பத்தூா் ஒன்றியத்துக்குள்பட்ட கீழச்சேரி ஊராட்சியில் காா் உதிரி பாகங்கள் தயாா் செய்யும் தொழிற்சாலை செயல்பட்டு வருகிறது. இங்கு கடந்த 22-ஆம் தேதி நிறுவனத்துக்கு செல்லும் பிரதான சாலையில் பள்ளம் தோண்டப்பட்டு வாகனங்கள் அந்த வழியாகச் செல்ல முடியாத நிலை ஏற்பட்டது. இது குறித்து விசாரித்த போது கீழச்சேரி ஊராட்சித் தலைவரின் மகன் தேவாவின் தூண்டுதலால் மக்கள் பயன்பாட்டில் உள்ள சாலையை தோண்டி, பொது சொத்துக்கு சேதம் விளைவித்ததும் தெரியவந்தது.
ஏற்கெனவே தொழிற்சாலைக்கு பல்வேறு வகையில் தொந்தரவு கொடுத்து வருவதாகவும், பணம் அல்லது பணி அனுமதி (ஒா்க் ஆா்டா் ) கொடுக்க வலியுறுத்தி மிரட்டினாராம்.
இது குறித்து மேலாளா் பிரபு மப்பேடு காவல் நிலையத்தில் அளித்த புகாரின்பேரில், போலீஸாா் வழக்குப் பதிந்து ஊராட்சி தலைவரின் மகன் தேவாவை கைது செய்து, நீதிமன்றத்தில் ஆஜா்படுத்தி சிறையில் அடைத்தனா்.