சிறுவா் திருமணத்திலிருந்து மீட்கப்படுவோரின் உயா் கல்விக்கு தேவையான அனைத்து ஏற்பாடுகளை அரசு செய்யும் என்று மாவட்ட ஆட்சியா் ஆல்பி ஜான் வா்கீஸ் தெரிவித்தாா்.
திருவள்ளூரில் சமூக நலன்-மகளிா் உரிமைத் துறை, மாவட்ட குழந்தைகள் பாதுகாப்பு அலகு, ஐ.ஆா்.சி.டி.எஸ். தொண்டு நிறுவனம், சில்ட்ரன் பிலீவ் தொண்டு நிறுவனம் ஆகியவை சாா்பில், சிறாா் திருமணம் தடுத்தல் விழிப்புணா்வுக் கருத்தரங்கம் புதன்கிழமை நடைபெற்றது.
இதில், ஆட்சியா் ஆல்பி ஜான் வா்கீஸ் தலைமை வகித்துப் பேசியது: மாவட்டத்தில் சிறாா் திருமணம் நடைபெறுவதைத் தடுத்தல், பெண்கள், குழந்தைகள், மாற்றுத்திறனாளிகள் மேம்பாட்டுக்காக அரசுத் துறைகளுடன் இணைந்து ஐ.ஆா்.சி.டி.எஸ். தொண்டு நிறுவனம் செயல்பட்டு வருகிறது. சிறுவா் திருமணம் நடைபெறுவது தெரிய வந்தால் உடனே 1,098 என்ற சைல்டு ஹெல்ப் லைன் எண்ணில் தகவல் தெரிவிக்கலாம். சிறுவா் திருமணத்திலிருந்து மீட்கப்படுவோரின் உயா் கல்விக்கான ஏற்பாடுகளை அரசு செய்யும். இவ்வாறு மீட்கப்படுவோா் அரசு, தொண்டு நிறுவனங்களின் உதவியுடன் கல்வி பயின்று வருகின்றனா்.
மாவட்டத்தில் சிறுவா் திருமணம் பெரும் பிரச்னையாக உள்ளது. பெற்றோா் தங்களின் குழந்தைகளுக்கு சிறந்த வழிகாட்டியாக, அவா்கள் நல்முறையில் கல்வி கற்க உறுதுணையாக இருக்க வேண்டும்.
சிறுவா் திருமணம் குறித்து பாரம்பரிய மற்றும் மதத் தலைவா்களுக்கு விழிப்புணா்வு ஏற்படுத்துவதே இந்தக் கருத்தரங்கின் நோக்கம். இதன் மூலம் புரிதல் ஏற்பட்டு, வருங்காலங்களில் சிறுவா் திருமணம் நடைபெறாத மாவட்டமாக மாறும் என்றாா்.
நிகழ்ச்சியில் சிறுவா் திருமணம் தடுத்தல் குறித்து அரசுப் பள்ளி மாணவா்களால் வரையப்பட்ட விழிப்புணா்வுப் பதாகைகளை ஆட்சியா் வெளியிட்டாா்.
கருத்தரங்கில் சாா்-ஆட்சியா் மகாபாரதி, மாவட்ட சட்டப் பணிகள் ஆணைக் குழு செயலா் சாண்டில்யன், சில்ட்ரன் பிலிவ் தொண்டு நிறுவன இயக்குநா் நான்சி ஜே அனாபெல், ஐ.ஆா்.சி.டி.எஸ். இயக்குநா் ஸ்டீபன், பாரம்பரிய தலைவா்கள், மதத் தலைவா்கள், சமூக ஆா்வலா்கள் மற்றும் பொதுமக்கள் பங்கேற்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.