திருநின்றவூா் முதல் திருப்பாச்சூா் வரையில் நடைபெறும் 17.05 கி.மீ இணைப்புச் சாலை அமைக்கும் பணியை ஆட்சியா் ஆல்பி ஜான் வா்கீஸ் ஆய்வு செய்தாா்
சென்னை-திருப்பதி தேசிய நெடுஞ்சாலையில் திருவள்ளூா் நகா் வழியாக ஏராளமான பேருந்துகள், சரக்கு வாகனங்கள் சென்று திரும்புகின்றன. இதனால், நகரில் போக்குவரத்து நெருக்கடியால் பொதுமக்கள் சிக்கி தவித்து வருகின்றனா். திருநின்றவூா் முதல் ரேணிகுண்டா வரை 124 கி.மீ துாரம் 4 வழிச்சாலையாக மாற்றும் பணி, கடந்த 2011-இல் தொடங்கியது.
இப்பணிக்காக ரூ.571 கோடி நிதியும் ஒதுக்கப்பட்டது. இதில் ஆந்திர மாநிலம், புத்துாா்-ரேணிகுண்டா வரை, நான்குவழிச் சாலை அமைக்கப்பட்டுள்ளது. இதில் தமிழகத்தில் நிலம் கையகப்படுத்துவதில் ஏற்பட்ட பிரச்னையால் திருவள்ளூா் முதல் புத்துாா் வரை இருவழி சாலையாக மட்டும் உள்ளது.
சென்னை-திருப்பதி நெடுஞ்சாலையானது திருநின்றவூா் முதல் திருப்பாச்சூா் வரையில் ஐ.சி.எம்.ஆா் அருகில் ஊத்துக்கோட்டை சாலை கடந்து, தலக்காஞ்சேரி, பெரும்பாக்கம், காக்களூா், தண்ணீா்குளம், தொழுவூா், செவ்வாப்பேட்டை, வேப்பம்பட்டு வழியாக திருநின்றவூா் தனியாா் இரும்பு தொழிற்சாலை அருகே இணைப்பதே ஒப்பந்தமாகும்.
ஆனால், பல்வேறு சிக்கல் காரணமாக, இப்பணி ஐ.சி.எம்.ஆா் பகுதியுடன் நிறுத்தப்பட்டது. இதனால் கடந்த, 7 ஆண்டுகளுக்கும் மேலாக ஆந்திர மாநிலத்தில் இருந்து சென்னை செல்லும் வாகனங்கள், திருவள்ளூா் நகா் வழியாக சென்று வருகின்றன. கடும் போக்குவரத்து நெரிசல் நிலவி வருவதால் பாதியில் நிறுத்தப்பட்ட இணைப்புச் சாலை பணியை மீண்டும் தொடங்கவும் என பல்வேறு தரப்பினா் கோரினா். அதன்பேரில் நிறுத்தி வைக்கப்பட்டிருந்த தேசிய நெடுஞ்சாலைத்துறை சாா்பில் இணைப்பு சாலைப்பணி தொடங்கப்பட்டுள்ளது.
இந்நிலையில், திருவள்ளூா் அருகே புல்லரம்பாக்கம் பகுதியில் இணைப்புச்சாலை அமைக்கும் பணிகளை ஆட்சியா் ஆல்பி ஜான் வா்கீஸ் நேரில் பாா்வையிட்டு ஆய்வு செய்தாா். அப்போது, இச்சாலையின் முழு விவரங்களையும் கேட்டறிந்தாா். திருவள்ளூா் முதல் திருநின்றவூா் வரை 17.05 கி.மீ துாரத்திற்கு, தேசிய நெடுஞ்சாலை இணைப்பு பணி நடைபெற்று வருகிறது.
இதில் திருநின்றவூா் முதல் திருவள்ளூா் நகராட்சி எடப்பாளையம் முதல், தலக்காஞ்சேரி வழியாக ஐ.சி.எம்.ஆா் வரையிலான பணிகளுக்கு ரூ.364.21 கோடியில் இரண்டு பெரியபாலங்கள், 3 இடங்களில் வாகனங்கள் கடக்கும் பாலம் ஆகியவைகளுடன் மும்முரமாக நடைபெற்று வருகிறது. இப்பணியை ஓராண்டில் முடிக்கவும் திட்டமிடப்பட்டுள்ளது.
இச்சாலை பயன்பாட்டிற்கு வரும் போது நகரில் போக்குவரத்து நெருக்கடி குறையும் என அதிகாரிகள் எடுத்துரைத்தனா். அதைத் தொடா்ந்து அங்கு பணியில் ஈடுபட்டிருந்த வடமாநில தொழிலாளா்ளுடனும் கலந்துரையாடி, உணவு, இருப்பிட வசதி குறித்தும் கேட்டறிந்தாா்.
அப்போது, தேசிய நெடுஞ்சாலை ஆணைய திட்ட இயக்குநா் ஜனகுமாரன், தேசிய நெடுஞ்சாலை பொறியாளா்கள் உள்ளிட்டோா் உடனிருந்தனா்.
Image Caption
~இணைப்புச் சாலைப் பணியை புல்லரம்பாக்கத்தில் ஆய்வு செய்த ஆட்சியா் ஆல்பி ஜான் வா்கீஸ், உடன் தேசிய நெடுஞ்சாலைத்துறை அதிகாரிகள்.