பாரதிதாசன் மெட்ரிக் பள்ளி 100 சதவீதம் தோ்ச்சி

திருவள்ளூா் பாரதிதாசன் மெட்ரிக் மேல்நிலைப்பள்ளியில் நிகழாண்டில் பிளஸ்2 பொதுத்தோ்வு எழுதிய மாணவ, மாணவிகள் முதல் முயற்சியிலேயே 100 சதவீதம் தோ்ச்சி அடைந்துள்ளனா்.

இப்பள்ளியில் 2023-24 கல்வியாண்டில் 177 மாணவ, மாணவிகள் பிளஸ் 2 பொதுத்தோ்வு எழுதினா். இத்தோ்வில் அனைத்து மாணவா்களும் முதல் நிலையில் தேச்சி அடைந்துள்ளனா்.

இதில் மாணவி ரோஷ்னி-589/600 மதிப்பெண்கள் பெற்று முதலிடமும், ராகவி-586/600 மதிப்பெண்கள் பெற்று இரண்டாம் இடமும், லிங்கேஸ்வரன் 583/600 மதிப்பெண்கள் பெற்று மூன்றாம் இடமும் பெற்றுள்ளனா். மேலும் 29 மாணவா்கள் 100/100 மதிப்பெண்களும், 21 மாணவா்கள் 99 மதிப்பெண்களும், 29 மாணவா்கள் 98 மதிப்பெண்களும் பெற்று சாதனை படைத்துள்ளனா்.

இதில் 575 மதிப்பெண்களுக்கு மேல் 6 பேரும், 550 மதிப்பெண்களுக்கு மேல் 9 பேரும், 525 மதிப்பெண்களுக்கு மேல் 33 பேரும், 500 மதிப்பெண்களுக்கு மேல் 28 பேரும் பெற்றுள்ளனா். அதிக மதிப்பெண்கள் பெற்ற மாணவா்களையும், ஆசிரியா்களையும் பள்ளி தாளாளா் மோ.தி. உமா சங்கா், பள்ளி நிா்வாகிகள், பள்ளி தலைமையாசிரியா்கள் ஜோ.மேரி, தே.குமரீஸ்வரி ஆகியோா் பாராட்டினா்.