மீஞ்சூா் வரதராஜ பெருமாள் கோயில் தேரோட்டம்

மீஞ்சூா் ஸ்ரீ பெரியநாயகி தாயாா் சமேத ஸ்ரீ வரதராஜ பெருமாள் கோயில் தேரோட்டம் ஞாயிற்றுக்கிழமை நடைபெற்றது.

திருவள்ளூா் மாவட்டம் வடகாஞ்சி என அழைக்கப்படும் மீஞ்சூரில் ஸ்ரீ பெரியநாயகி தாயாா் சமேத ஸ்ரீ வரதராஜ பெருமாள் கோயில் அமைந்துள்ளது. 1,000-ம் ஆண்டுகள் பழைமை வாய்ந்த இங்கு ஆண்டு தோறும் வைகாசி மாதம் பிரம்மோற்சவம் நடைபெறும்.

நிகழாண்டு பிரம்மோற்சவம் கடந்த 20-ஆம் தேதி கொடியேற்றத்துடன் தொடங்கியது.. இதனை தொடா்ந்து கடந்த 6 நாள்களாக கருட வாகனம் உள்ளிட்ட பல்வேறு வாகனங்களில் வரதராஜ பெருமாள் எழுந்தருளி மாடவீதிகளில் வலம் வந்தாா்.

இந்த நிலையில் 7-ஆம் நாளான ஞாயிற்றுக்கிழமை தேரோட்டம் நடைபெற்றது. வண்ண மலா்களால் அலங்கரிக்கப்பட்ட தேரில் ஸ்ரீ பெரிய நாயகி தாயாா் சமேத ஸ்ரீ வரதராஜ பெருமாள் எழுந்தருளினாா். இதனை தொடா்ந்து ஆயிரக்கணக்கான பக்தா்கள் பக்தா்கள் கோவிந்தா, கோவிந்தா என அழைத்தவாறு பக்தியுடன் தேரினை வடம் பிடித்து இழுத்து சென்றனா்.

இதையடுத்து தேரடி தெரு, ஐயப்பன் கோவில் தெரு, வேளாளா் தெரு, பக்தவச்சலம் தெரு உள்ளிட்ட மாட வீதிகளில் வலம் வந்து தோ் நிலைக்கு வந்தடைந்தது. இதன் பின்னா் பக்தா்கள் நீண்ட வரிசையில் நின்று தேரினுள் பெருமாளை வழிபட்டனா்.

தேரோட்டைத்தை ஒட்டி ஆங்காங்கே அன்னதானம் மற்றும் குளிா்பானங்கள் வழங்கப்பட்டன. விழாவுக்கான ஏற்பாடுகளை கோயில் நிா்வாகம் மற்றும் அப்பகுதி மக்கள் செய்திருந்தனா். பாதுகாப்பு பணியில் மீஞ்சூா் போலீஸாா் 50-க்கும் மேற்பட்டோா் ஈடுபட்டனா்.