மாவட்ட அளவிலான யோகா, கராத்தே போட்டிகளில் ஆரணி பிங்க்ஸ் பப்ளிக் மெட்ரிக் பள்ளி மாணவர்கள் பல பதக்கங்களை பெற்று சாதனை படைத்தனர்.
சென்னை மேல்அயனம்பாக்கத்தில் இந்திய வீரக்கலை பயிற்சிக் கூடம் சார்பில், மாவட்ட அளவிலான யோகா, கராத்தே போட்டிகள் நடைபெற்றன. யோகா போட்டியில் பிங்க்ஸ் பப்ளிக் மெட்ரிக் பள்ளி சார்பில் 24 மாணவ, மாணவிகள் கலந்து கொண்டனர். இவர்களில், 4-ஆம் வகுப்பு பயிலும் புனிதா, நவீன்நாராயணன், 3-ஆம் வகுப்பு பயிலும் தனு ஆகியோர் முதலிடத்தைப் பெற்று தங்கப் பதக்கம் வென்றனர். 8-ஆம் வகுப்பு பயிலும் திவாகர், கோகுல்நாத், 5-ஆம் வகுப்பு பயிலும் மோகனவிஷ்ணு, கோவர்தன் ஆகியோர் 2-ஆவது இடத்தைப் பெற்று வெள்ளி பதக்கத்தை வென்றனர். மேலும், 8 மாணவர்கள் 3-ஆவது இடத்தை பெற்று வெண்கலப் பதக்கத்தை வென்றனர்.
கராத்தே போட்டியில் 10 மாணவர்கள் பங்கேற்றனர். இவர்களில் 5 மாணவர்கள் இரண்டாவது இடத்தை பெற்று வெள்ளி பதக்கத்தையும், 5 மாணவர்கள் 3-ஆவது இடத்தைப் பெற்று வெண்கலப் பதக்கத்தையும் வென்றனர். யோகா, கராத்தே போட்டிகளில் வென்ற மாணவ, மாணவிகளை பள்ளியின் கூடுதல் தாளாளர் சித்ரா, நிர்வாகி கவிதா, பள்ளி முதல்வர் ஜான்மர்லின்குமார் உள்ளிட்டோர் வெள்ளிக்கிழமை பாராட்டினர்.