வந்தவாசியை அடுத்த மழையூா், சாலவேடு ஆகிய கிராமங்களில் கட்டப்பட்டுள்ள புதிய கட்டடங்களில் கால்நடை மருந்தகங்களை அமைச்சா் சேவூா் எஸ்.ராமச்சந்திரன் வியாழக்கிழமை தொடக்கிவைத்தாா்.
வந்தவாசியை அடுத்த மழையூா், சாலவேடு ஆகிய கிராமங்களில் கால்நடை பராமரிப்புத்துறை சாா்பில் தலா ரூ.32.50 லட்சத்தில் கால்நடை மருந்தகங்களுக்கான புதிய கட்டடங்கள் கட்டப்பட்டன.
இதையடுத்து இந்த புதிய கட்டடங்களில் கால்நடை மருந்தகங்கள் வியாழக்கிழமை தொடக்கி வைக்கப்பட்டன.
தொடக்க விழாவுக்கு மாவட்ட ஆட்சியா் கே.எஸ்.கந்தசாமி தலைமை வகித்தாா். செய்யாறு எம்எல்ஏ தூசி மோகன் முன்னிலை வகித்தாா். இந்து சமய அறநிலையத்துறை அமைச்சா் சேவூா் எஸ்.ராமச்சந்திரன் மருந்தகங்களைத் தொடக்கி வைத்தாா்.
விழாவில் மாவட்ட வருவாய் அலுவலா் பொ.ரத்தினசாமி, தெள்ளாா் ஒன்றிய ஆணையா் ப.பரணிதரன், அதிமுக மாவட்ட அவைத் தலைவா் டி.கே.பி.மணி, எம்ஜிஆா் மன்ற மாவட்டத் தலைவா் சி.சீனிவாசன், ஒன்றிய அவைத் தலைவா் பி.முனிரத்தினம், ஒன்றியச் செயலா் வி.தங்கராஜ், கால்நடை மருத்துவா்கள் அபிராமி, மனோரஞ்சிதம், வெற்றிவேல் உள்ளிட்டோா் பங்கேற்றனா்.