கீழ்பென்னாத்தூரில் தமிழக அரசின் ஒருங்கிணைந்த குழந்தை வளா்ச்சித் திட்டத்தின் கீழ், கா்ப்பிணி பெண்களுக்கான சமுதாய வளைகாப்பு நிகழ்ச்சி, வியாழக்கிழமை (அக்டோபா் 10) நடைபெற்றது.
விழாவுக்கு, கீழ்பென்னாத்தூா் வட்டார குழந்தை வளா்ச்சித் திட்ட அலுவலா் பி.மீனாம்பிகை தலைமை வகித்தாா். வட்டார மருத்துவ அலுவலா் ஆா்.சரவணன், இயற்கை மற்றும் வா்ம மருத்துவா் எம்.ராஜேந்திரன், முன்னாள் பேரூராட்சித் தலைவா் சி.கே.பன்னீா்செல்வம் ஆகியோா் முன்னிலை வகித்தனா். கீழ்பென்னாத்தூா் எம்எல்ஏ கு.பிச்சாண்டி சிறப்பு அழைப்பாளராகக் கலந்து கொண்டு 120 கா்ப்பிணிகளுக்கான சீா்வரிசைப் பொருட்களை வழங்கிப் பேசுகையில், இந்தியாவிலேயே மருத்துவத் துறையில் தமிழகம் சிறந்த மாநிலமாக திகழ்கிறது. அங்கன்வாடி பணியாளா்களும் சிறந்த முறையில் பணியாற்றி வருகின்றனா். கா்ப்பிணி தாய்மாா்கள் இரும்புச் சத்து குறைபாடு இல்லாமல் சத்தான மருத்துவம் பெற்று வருவதை அனைவரும் பயன்படுத்திக் கொள்ள வேண்டும் என்றாா். விழாவில், கா்ப்பிணிகளுக்கு 7 வகையான சாதங்கள் கா்ப்பிணிகளுக்கு வழங்கப்பட்டன. இதில், வட்டார ஒருங்கிணைப்பாளா் மணி, மேற்பாா்வையாளா் வனமயில் மற்றும் அங்கன்வாடி பணியாளா்கள் பலா் கலந்து கொண்டனா்.