வேலூா் மண்டல அளவிலான பள்ளி மாணவா்களுக்கான கிரிக்கெட் போட்டியில் திருவண்ணாமலை ஸ்ரீவிடிஎஸ் ஜெயின் மேல்நிலைப் பள்ளி மாணவா்கள் இரண்டாமிடம் பிடித்தனா்.
வேலூா் மண்டல அளவிலான பள்ளி மாணவா்களுக்கு இடையிலான கிரிக்கெட் போட்டிகள் அண்மையில் வேலூா் தந்தை பெரியாா் பாலிடெக்னிக் கல்லூரி விளையாட்டு மைதானத்தில் நடைபெற்றது. இதில், திருவண்ணாமலை ஸ்ரீவிடிஎஸ் ஜெயின் மேல்நிலைப் பள்ளி சாா்பில் கலந்து கொண்ட மாணவா்கள் மண்டல அளவில் இரண்டாம் இடம் பிடித்தனா்.
போட்டியில் வென்ற மாணவா்களுக்கான பாராட்டு விழா அண்மையில் நடைபெற்றது. விழாவுக்கு பள்ளித் தாளாளா் வி.பவன்குமாா் தலைமை வகித்தாா். மத்திய அரசு வழக்குரைஞா் டி.எஸ்.சங்கா், பள்ளி அறக்கட்டளை உறுப்பினா்கள் வி.ஜெய்சந்த், செயலா் டி.எஸ்.ராஜ்குமாா், பொருளாளா் டி.வசந்த்குமாா், ஆங்கில வழிச் செயலா் டி.ஸ்ரீஹன்ஸ்குமாா் ஆகியோா் சிறப்பு அழைப்பாளா்களாகக் கலந்து கொண்டு போட்டியில் வென்ற மாணவா்களைப் பாராட்டினா்.
விழாவில், பள்ளியின் தமிழ் வழிச் செயலா் வி.சுரேந்திரகுமாா், முதுநிலை ஆசிரியா் எம்.ராமகிருஷ்ணன், பள்ளி நிா்வாக அலுவலா் என்.ஆா்.மணி, உடல் கல்வி ஆசிரியா் எம்.ரமேஷ் மற்றும் ஆசிரியா், ஆசிரியைகள், மாணவ, மாணவிகள் பங்கேற்றனா்.