திருவண்ணாமலை காா்த்திகை தீபத் திருவிழா அன்று மகா தீப மலை மீது ஏற, வழக்கம்போல 2 ஆயிரத்து 500 பேருக்கு மட்டும் அனுமதி அளிக்கப்படும் என்று மாவட்ட ஆட்சியா் கே.எஸ்.கந்தசாமி கூறினாா்.
திருவண்ணாமலையில் பிரசித்தி பெற்ற காா்த்திகை தீபத் திருவிழா டிசம்பா் 10-ஆம் தேதி நடைபெறுகிறது. அன்றைய தினம் அதிகாலை 4 மணிக்கு கோயில் மூலவா் சன்னதியில் பரணி தீபமும், மாலை 6 மணிக்கு 2,668 அடி உயர மலை மீது மகா தீபமும் ஏற்றப்படுகிறது.
இந்த நிலையில், தீபத் திருவிழா முன்னேற்பாடுகள் குறித்த ஆலோசனைக் கூட்டம் அருணாசலேஸ்வரா் கோயிலில் வியாழக்கிழமை நடைபெற்றது.
கூட்டத்துக்குப் பிறகு மாவட்ட ஆட்சியா் கே.எஸ்.கந்தசாமி செய்தியாளா்களிடம் கூறியதாவது:
மகா தீபத்தன்று மலை மீது ஏற வழக்கம்போல 2 ஆயிரத்து 500 பேருக்கு மட்டும் அனுமதி அளிக்கப்படும்.
கோயிலுக்குள் பரணி தீபம், மகா தீபத்தைக் காண 6 ஆயிரம் பேருக்கு அனுமதி அளிக்கப்படும். மகா தீபத்தன்று அன்னதானம் வழங்க விரும்புவோா் மாவட்ட நிா்வாகத்திடம் முன் அனுமதி பெறுவது அவசியம். தீபத் திருவிழாவுக்கு நெகிழிப் பைகளைத் தவிா்த்து, துணி, சணல் பைகளைக் கொண்டு வருபவா்களுக்கு மாசுக் கட்டுப்பாட்டு வாரியம் சாா்பில் தங்க நாணயங்கள் பரிசாக வழங்கப்படும்.
கிரிவலப் பாதையில் உள்ள கண்காணிப்புக் கேமராக்கள் முறையாக செயல்படுகிா என்பது சரிபாா்த்து கூடுதல் கேமராக்கள் பொருத்தப்படும் என்றாா்.